Meg om mitt

BLOGGBYTE!

2010-08-13T10:14:00.004+02:00

Då tar eg "offisielt" ein pause frå denne bloggen og går over til den andre full tid :-) Eg føler for å markere ein ny start på ny plass, og derfor går eg over til min andre blogg:

http://www.deringenskulletru.blogspot.com

Bortsett frå oppussing og hage, som det vil verte mykje av i denne bloggen (sidan det vil utgjere ein stor del av livet vårt framover..), vil eg nok skrive litt om tankar og erfaringar eg gjer meg undervegs på ny plass. Og så litt hobby og slikt da sjølvsagt :-)

Takk for denne gang her, og velkomne skal de vere til den andre bloggen!

Sommar og sol - eller?

2010-07-20T12:28:00.002+02:00

Lenge sidan forrige innlegg. Sommaren har det med å rase forbi og då tenker eg at ein skal ikkje blogge vekk sumarnatta... Og så har det og med at dei gangane eg har prøvd har eg ikkje fått til å legge inn bilete, forferdeleg irriterande!

Etter tre veker i Sogn med rydde-/kastesjau og organisering i "nytt" hus (som me skal bu i midlertidig i ca 1 år), er me no tilbake og i gang med våre 2 siste veker i vårt noverande hus. Vetla er i barnehagen om dagane og syns det er stas å sjå att vener etter ferien, og eg og minsten styrar heime. Det er imidlertid litt lite å ta seg til sidan alt av ting utan det mest naudsynte er sendt til Sogn, og ein enda ikkje kan pakke ned resten og gjere klart til visning. Trilleturar er heller ikkje spesielt fristande sidan det rett som det er regnar sidevegs.

Så; -eg planlegg og les interiørblad. Eg er glad og lukkeleg over å ha prosjekt ventande på meg i søkk og kav, for sjølv om det er slitsomt medan det står på så passar det meg ypparleg å planlegge, pønske og setje idear ut i live. Her me bur er ting på stell, så det er ikkje rom for dei heilt store sprella om ein ikkje skulle byrje på ny runde. Sjølv om eg likar å styre, så må det ha mål og meining, det bør ikkje vere berre for å gjere noko.

Forhåpentlegvis har me mange varme og deilege sommardagar att forann oss før hausten er her. Dersom ikkje får ein kose seg på anna vis - eit glas raudvin på kvelden funkar bra innandørs og :-) Ha ein fin sommar vidare!

Heime hjå...

2010-06-17T20:02:00.004+02:00

...oss har me hatt oss ein litan opprydning på terrassen, blant anna, og i den anledning måtte eg knipse litt. Det har vorte få innlegg i det siste sidan kveldane ser ut til å ta slutt før eg eigentleg har fått snudd meg rundt etter legging og kveldsstyr. Det vert ikkje gjort så mykje i hagen i år, kun vedlikehald, men eg kosar meg i den likevel :-) Og det same gjer minsten, ho elskar å vere på terrassen, knipe i blomster og vifte med tærne i molda... Kanskje det vert ein liten kjøkkenhagehjelpar av ho?

Då satsar eg på at det meste er i orden til morgondagens "photo shoot" (me får nemleg husfotograf på besøk i morgon:-). Tenker eg skal slappe litt av med ein episode Sex and the city. Etter å ha sett film nr 2 må eg ha ein dose med serien for å rette opp att inntrykket!

Ha ein riktig fin kveld!

montana rubens

2010-06-10T22:58:00.004+02:00

I dag har det vore steikande varmt her, og eg og minsten har måtta ta våre naudsynte forhaldsreglar når me skulle på terrassen. Dermed kom denne vakre (?) solskjerminga til. Det er to gamle gardinger - på ei laaang gardinstang som eg knytte fast under dragaren - og voila! Men det funkar, det er det viktigaste:-)Om du tykkjer det ikkje ser ut på bilete som om me eigentleg hadde trengt solskjerming, så er det fordi biletet er tatt seinare på dagen på eit tidspunkt der det ville vore ein heilt korrekt antagelse. Montana rubens er forresten namnet på denne flotte klematisen. Den er svært riktblomstrande når den får etablert seg, noko min byrjar så smått å gjere, og me kan no ane kor vakker den blir når alle dei mange knoppane spring ut. Den veks utruleg raskt og har tatt opp kampen med ein like voksevilleg kaprifol som står attmed - saman er dei dynamitt! Elles ser det svært bra ut både i jordbær"åkeren" og ""frukthagen"" (to for å understreke litt ekstra at frukthage kanskje er å strekke det ørlite grann lenger enn eg allereie har gjort ved å kalle det jordbærplantane ein åker..)- Forhåpentlegvis er me ikkje her til å smake plommene!

Any day now...

2010-06-08T21:19:00.004+02:00

Eg held på å gå på veggane for tida. Sidan me har planar om å selge hus om (forhåpentlegvis) ikkje så lenge, så gjeld alle dei hagerelaterte planane som surrar rundt i hovudet og på papir ein ny plass. Her er ting på stell før salg, og eg har ikkje tenkt å legge meir innsats og pengar i hagen her. Men du verden så kjedeleg!
Lyspunkta er sjølvsagt å så ting springe ut, men det ser ut som om hagen óg er litt på vent. Alt er liksom "close, but no cigar.."
Medan eg ventar får eg kanskje prøve å slappe av og kose meg i hagen da, eg har høyrt at det skal gå an og :-)

Late dagar på ratassen

2010-05-30T19:50:00.005+02:00

...eller terrassen som eg etterkvart lærte at det heitte. Ei nydeleg helg går mot slutten, og går over i ei, forhåpentlegvis, nydeleg veke. Me har ikkje gjort stort, ein liten tur til hagesenter, to planlagte turar til Fløyen (gjennomført 0) og masse ungar i leik på terrassen. 2 grillingar her me fått med oss, og litt planting i det vetle av potter og kar som ikkje er flytta til Sogn.Å kalle dagane late er ei sanning med modifikasjonar. Frå foreldra til borna i byggefeltet tykkjer det er akseptabelt å sleppe småtrolla ut og til leggetid og vel så det, så er det bånn gass. Ungar spring inn og ut heile dagen lang, og det er først no eg har vore i ro i meir enn 10 minuttar samanhengande.Veldig kjekt, men og til tider litt slitsomt. Eg saknar litt å kunne ha litt familietid i helgene, men om me skal få det til må me nok reise vekk :-) Vetla kosar seg sjølvsagt med alt besøket, men me veit frå i fjor då me hadde terrasseferie medan resten av feltet var bortreist at ho kosar seg med familietid og. Det er ein ting eg gledar meg til når me skal flytte. Ein annan ting eg gler meg til er kjøkkenhagen.Eg drøymer meg vekk i drivhus, kompostløysningar og deilege "heimelage" grønnsaker, noko som gjer seg utslag i den typen spontanplanting som me foretok oss i dag. Sjølv om me burde la vere sidan me då får meir å flytte på. Eg klør i fingrane!!!
Veka som kjem har me ingen spesielle planar for. Me får takstmann på besøk, og etterkvart og kanskje fotograf, så litt shinings må til. No er det lite å rydde i sidan me har pakka ned det meste me ikkje treng til dagen, men det må no gjerast. Vindusvask er ein annan ting som må gjerast - dessverre. Maling og vindusvask hamnar litt på same nivå på moro-skalaen, dvs på nedste hylle...

Eg har solcellelampar frå Ikea på prøve i Kaprifolen. Det gir ikkje akkurat mykje lys, men det er litt stemning av det så kanskje det må bli litt fleire.

Ha ei strålande veke!

Det er sommer, det er sol og det er...fredag!

2010-05-21T19:10:00.004+02:00

Eigentleg er det vel strengt tatt berre soldelen som stemmer sidan det heller ikkje er sommar for øyeblikket. Men det er bagatellar på ein sådan dag. Fantastisk vér og varmt og godt!Rosenrota er på sitt finaste no, tykkjer eg, før den vert for stor og breier seg ut alt for mykje.
Irisen er på god veg, men hadde treng litt betre plass. Trur kanskje litt av den skal få vere att her i hagen, medan resten vert med på flyttelasset.
Denne vetle karen har sittet i Alunrota i heile dag, den har funnet sin plass i sola tydelegvis :-)

No er hagen stort sett klar for fotograf og visningar når me kjem så langt. Sola og varmen gjer sitt til at ting sprett og veks som berre det, så no byrjar det komme seg. Ser så mykje betre ut når "terrassen har vorten "grønn"

Minsten har endeleg tatt kvelden, ikkje utan protestar må vite, og no er det sofakos og avslapning som står for tur. Ha ei fin-fin helg alle saman!

The escape

2010-05-17T20:13:00.004+02:00

TeRrasSekOs

2010-05-13T21:59:00.004+02:00

Enjoying it while it's hot! For det kan ikkje vara evig...

Gratulerer så masse til minsten som er eit heilt år i dag!

Sånn går no dagan'

2010-05-11T21:26:00.003+02:00

Dette vakna me opp til i dag - for andre dag på rad. Seinare fulgt av snø- og sludd byger utover dagen. Jepp, slik ein skjønn og mild mai me har i år! Etter dei første bygene ga seg, gjekk eg ut i hagen for å luke, medan min kjære sambu lista på vaskerommet. Då kom barnehagens trenings-17-mai-tog opp vegen i byggefeltet vårt - eit strålande lyspunkt i ein elles grå og kald dag :-) Ettermiddagen gjekk roleg for seg, minsten fekk det for seg at ho skulle rydde i roteskuffa...
Seinare på dagen kom tre jenter for å intervjue meg om tomtetvisten vår. Dei skal skrive oppgåve, og har valgt denne saken. Etter å ha intervjua dei to andre partane i saka ville dei gjerne balansere det heile ved å høyre vår versjon. Det var ikkje vanskeleg å skjønne kor deira sympati låg :-) Etterpå måtte eg høfleg avvise spørsmål frå folk som var på visning hjå naboen og som lurte på stoda i saka - dei vegra seg litt mot å legge inn bud på eit hus med medføljande tomtetvist.. Og til slutt var det legging av minsten som absolutt ikkje ville legge seg og som holdt meg gåande med vandring til og fra, byssing, amming og kos i 1 1/2 time før ho tørna til.

Sånn går no dagan' - Takk for i dag, og med ønsker om ein mildare mai i morgon!

Kvit make over

2010-05-09T08:31:00.003+02:00

Endeleg ferdig med leveggmaling! Me har venta på ein finevérsperiode for å få malt ute, men har på ein måte syntes det var litt greit med regnet :-) Men no kom det altså ein fin periode, og me måtte til pers. Og godt er det, for det kom seg mykje. Typisk det at ting først kjem på plass når ein skal selje...

Så - då var det berre å hive seg på dei tusen andre tinga me skulle ha gjort! Ha ein strålande søndag!

På to hjul i svingane og så der

2010-04-26T11:48:00.003+02:00

Bridal Crown i motlys - vakker liten sak! Luktar godt gjer den og. Eg er i full gang med å "tynne" ut hagen med tanke på flytting til hausten (om alt går etter planen). Hagen har nok berre godt av det sidan den byrjar bli ganske så full, men problemet er å begrense seg litt. Lite praktisk å ta halve hagen med på lasset, men vanskeleg å late plantar eg er glad i stå att og. Eg har litt plass å plante på der me flyttar til, så tenker nok eg skal spa opp litt til, ja..

Under er vetla i full gang med å demonstrere at ho har lært å sykle utan støttehjul hos tante. Ho hadde lånt sykkelen til søskenbarnet som er eit år eldre og har tatt av støttehjula, og hadde sykla på til ho fekk det til. Kjempegreier - og så stolt då ho kom heim og skulle vise. Litt stusseleg at ho ikkje gjorde det først heime, men ein kan vel ikkje forvente at all utvikling skal foregå i heimen... :-)

Vårpussen

2010-04-14T20:21:00.003+02:00

Endeleg ein skikkeleg dag i hagen. Sambu hadde ingen planar og underhaldt minsten medan eg fekk gjort masse i hagen. Framleis gjenstår ein del, men eg ser absolutt enden på det. No byrjar terrassen å verte ein kjekk plass å opphalde seg att, og klematisen eg fekk av mi svært hageinteresserte svigermor "fordi eg tar vare på blomstrane mine" synte seg å vere i live til trass for ein noko miserabel framtoning. Det synte seg å vere mange store, fine knoppar under dei visne blada. De skjønar, sidan eg fekk dette prakteksemplaret fordi eg tek vare på plantane mine, så pakka eg den godt inn i vinter (står i krukke). Blada fekk dermed ikkje blåse vekk, og alt såg daudt ut. Men no altså - berre velstand. Det var mykje om ein klematis, de har nok forstått at dette har lagt meg litt tungt for hjarta :-)
Ellers går det unna på jobben. I morgon er det torsdag og snart helg, og dermed snart berre ei veke att før eg tek resten av permisjonen. Eg har og bedt om utvida omsorgspermisjon, så eg skal ikkje tilbake på jobb på leeenge. Litt merkeleg å tenke på, men mest kjekt. No er eg som vanleg heilt skutt, og huset får vente litt til. Har eigentleg lyst å ta kvelden, men føler vel kanskje at 2030 er i tidlegaste laget :-) Ha ein fin kveld vidare!

For eit vér!

2010-04-12T20:41:00.004+02:00

No er tredje brett med knekkebrød komme i omnen, og eg har litt pc-tid. Etter jobb har alle vore ute i hagen; sambuar har trilla på stein (siste lass er køyrd), vetla har hoppa på trampoline, eg har klipt vekk visne kvistar og plantar, og minsten har rota dei utover og gnege på dei - og alt i strålande sol! Eg har ikkje tatt nokre bilete, kameraet ligg ein eller annan stad i haugen av baggasje som er kommen ut or bilen etter hytteturen, men ikkje særleg lenger.

På jobb går det veldig greit - og fort! Har berre to veker at før det er meir permisjon. I morgon skal eg få noko ut av verda som har gjort meg litt smånervøs, og så er det berre å kose seg vidare med vår, sol og dei eg er glad i :-)
Bileta under syner hagen i fjor på denne tida, og det er eit stykke i frå korleis det er no, ja. Men med dette veret ei stund til trur eg nok ting kan komme godt i gang.

Våt hyttetur i Tørvikbygd

2010-04-11T20:24:00.004+02:00

...med strålande sol! Då firmahytta plutseleg vart ledig torsdag kveld, heiv me oss rundt og pakka badeklær og ungar i bilen: Det har vore ei strålande helg med mykje bading -og kaffi på terrassen. Laurdag kom det besøk og vetla fekk selskap i bassenget, kjempestas! Elles har me berre kosa oss, litt trilletur, litt Uno og litt vin.Vetla har svømmetrening i bassenget.
Utsikt frå terrassen - vakkert!
Trilleturen gjekk forbi eit enormt gartneri, kanskje like greit at lommeboka låg att i hytta...
Vetla og sambu prøver fiskelykka.

No er me tilbake og er klare til å ta fatt på to-do-lista vår for hus og hage... Mykje spennande som skal skje framover, og det er med skrekkblanda fryd at me planlegg alt som skal gjerast. Eg har to veker att av pappapermisjonen, dvs jobb i pappapermisjonen, og så vert det forhåpentlegvis masse tid til trilleturar i fint vårver. Det vil seie om minsten har tolmod til det..:-)

Vårteikn

2010-04-04T15:05:00.002+02:00

Våren ser ut til endeleg å ha komme, og eg har hatt meg eit par dagar ute i hagen. Det trengs ein opprydning, men samtidig er det veldig spennande å sjå kva som befinn seg under dei visne blada og greinene. Det er imidlertid ganske surt ute enda, med vind og regnbyger, så det vert ikkje lange etappane. Men jammen gjer det godt å kjenne sola varme igjen! Vil ynskje dykk ei god påske med desse bileta frå vårhagen :-)

Nytt rom yet again...

2010-03-25T21:06:00.002+01:00

Eg finn stadig vekk ein unnskuldning for å foreta make-over på vetla sitt soverom. Det er utruleg artig å styre med barnerom, litt meir frie tøylar der enn i resten av huset :-)Denne gangen fekk ho gjennom sitt rosa ønske - i alle fall til ein viss grad...Aller helst vil ho erstatte "skogen" med rosa, men eg held att så godt eg kan. No har ho imidlertid byrja pirke vekk tapeten, så ho prøver så godt ho kan å få gjennomslag!
No skal rommet få fred ei stund, og om det skulle byrje å krible igjen, så er det nok minsten sitt rom som står for tur neste gang tenker eg :-)

Elles tok eg ein liten snartur ut i hagen i dag, og jammen er det knoppar både her og der - våren er i anmarsj!

Vår innan rekkevidde?

2010-03-21T20:34:00.003+01:00

Inspirert av ein vårdag i byggefeltet måtte eg byte ut vinter med vår her i bloggen. Og med det er bloggpausen over for denne gang!

Snøen er så godt som vekke, og i dag var det plutseleg folk rundt alle hus i full gang med opprydning og bråtebrann.Etter å ha innfunnet meg med at me ikkje skulle få sjå bar bakke før ut i juni smelta alle snøen plutseleg vekk i rekordfart. Det er noko med våren som får fram innsatsviljen i meg - og etter alt å døme gjeld dette naboane og :-) Litt kjedeleg då at ryggen har slått seg vrang og eg stavrar rundt krokbøygd og fæl... Eg skuldar dette på at eg har byrja jobbe igjen (medan sambu har pappaperm) og stolane ikkje ser ut til å fungere heilt for meg

I alle fall; etter ei ganske intens tid med ulykker, sjukdom og operasjonar, så er alle no oppe og går att og me kan hente oss inn medan kveldane vert lysare og lysa for kvar dag som går. Til slutt må eg nesten syne eit eksempel på grunnen til bloggpausen - strikkedilla :-) Eg kjøpte noko babyull hjå Panduro utan å vite kva eg skulle bruke det til. Eg tok ein runde på nettet og fant ei engelsk oppskrift på noko som skulle vere ein kjole 2-3 år. Som biletet syner vart det heller ein gensar til 0-1 år, men den var no søt - tykkjer eg. Minsten poserer for anledningen.

Bloggpause

2010-01-27T18:34:00.004+01:00

Eg er inne i ein periode der eg har heilt dilla på handarbeid av ymse slag. Her er litt av det eg har drive med.
Balaclava-lue til vetla (nr.2, sambu har alt fått ei).

Lommetøfler. Bomma litt på første paret, så måtte improvisere litt. Det gjekk seg til. No er eg i gang med nokre lilla til meg sjølv - eg er avhengig av tjukkelabbar, og dette vert noko liknande.

Eg strikkar, heklar og syr til den store gullmedaljen. Det vert dermed liten tid til å skrive om kva eg driv med, så no vert det ein liten (eller litt større) pause i bloggeleringa. Om eg kjem tilbake om ei stund med bilete i søkk og kav av alt eg har produsert sidan sist, eller om eg først gjenoppstår saman med vårblomstrane vil tida vise. Inntil då - ha det så bra!

Kjedar du deg ikkje?

2010-01-18T20:38:00.006+01:00

...er eit spørsmål eg får rett som det er sidan eg går heime i permisjon, og svaret er NEI - på langt nær! Har aldri skjønt at folk kan kjede seg heime, men det er nok berre fordi eg til ein kvar tid har ørten prosjekt på gang. Den vetle tida ein har mellom mat, bleieskift, trilletur og leik rekk ikkje langt for alt som ligg i kø og ventar :-) Så nei, eg kjedar meg ikkje når eg går heime!

Prosjektkøen pr dags dato:
Kledningen kjem sakte men sikkert på renoveringsprosjektet mitt. Snart ferdig med utvendig kledning, og pønskar no på kva eg kan ha på taket...

Prinsessekjole og -krone. Er nesten ferdig, manglar berre litt knappar i ryggen. Korga er hekla med bast, krona er strikka med tynn metalltråd.

Balaklava til sambuar er godt i gang, og den er nok den første som må gjerast klar (før det ikkje er behov for den lenger...)

Er i gang med eit hekleputetrekk. Dette kjem til å ta tid!

Babybøkene til jentene skal oppdaterast og bilder skal limast inn. Er godt i gang med eldsta si bok, medan vetla si naturleg nok ligg litt etter :-).

Puhh!

Vinter i svart-kvitt

2010-01-13T20:38:00.003+01:00

Ein kvit månad

2010-01-07T12:19:00.008+01:00

No tenker kanskje mange av dykk på snø. Men det er ikkje det som er meint. Eg tenkte på kvit stil sidan eg las det i forbindelse med interiørsider i eit blad. Men det er ikkje det som er meint heller. Ein kvit månad er nemleg ein shoppefri månad. Er det ikkje ganske vanvittig at me har eit eige ord for det? Det er såpass spesielt å halde seg vekke frå shopping ein heil månad at nokon meinte det fortente eit eige ord.

Eg veit jo at det er slik. No er eg nok ikkje av dei verste (håpar eg!), men når eg tenker meg om så går det nok knapt ein månad utan at eg kjøper eit eller anna som eg ikkje strengt tatt treng. Som regel hobbyting eller noko til huset. Det startar som regel med ein tur til senteret for å kjøpe klær - som eg treng - men endar med at eg kjøper noko heilt anna.

Så denne månaden skal eg ha ein kvit månad, både i den tradisjonelle tydinga av orda, og denne "nymotens" tydinga. Og kven veit, om det går bra så vert kanskje februar kvit og ;-)

13.desember - Luciadag

2009-12-13T19:58:00.005+01:00

Eg har vore litt opptatt dei siste dagane, så det har brent nokre lys sidan forrige innlegg. Dagens også forsåvidt. I dag er Lucia-dagen, men det har me ikkje latt oss merke med i særleg stor grad her. Ingen lussekattar eller Lucia-tog. Det vert det imidlertid i morgon i barnehagen. Me har hatt middagsselskap med ein litan forsmak på julemiddagen - nammm!

Elles så har eg endeleg fått nytt kamera etter at mitt 2 mnd gamle kamera i slutten av august såg slik ut:
Pixmania har brukt SVÆRT lang tid på å reparere, og det måtte ein någet krass mail til før dei medgjekk at dei hadde brukt FOR lang tid på det, og sendte meg eit nytt. Når det er sagt er eg veldig glad for å ha det tilbake. Det er relativt lite og hendig (i forhold til speilreflekskameraet) og det held kjempegod kvalitet både på bilete og video.

Det eg har vore opptatt med i det siste har og med bilete å gjere. Eg har store planar om å komme godt i gang med scrappinga i vinter, og bileteorganisering er ein stor del av det. No er dei ikkje så uorganiserte som det er, men dei må taggast for å lette arbeidet. Så no taggar eg nærmare 7000 bilete... nokon med opp til 10 taggar på eit bilete (hovudkat., underkat., under-underkat.). Ein he*¤$"@tes jobb for å vere heilt ærleg, men eg prøver å ha målet for auga! Skal vere veldig glad når jobben er gjort. Og så huksar eg kanskje å gjere det etterkvart...?

Det har vore ein fin 3.søndag i advent, med god mat og godt selskap. Vonar de kan seie det same : ) Ha ein fin kveld vidare!

7.desember - Betre seint...

2009-12-07T21:53:00.003+01:00

Natta gjekk greit (første natt på eige rom for minsten), utan verken betring eller forverring. Vetla gjekk fram og tilbake mellom sitt og vårt rom, og tilsaman utgjorde dette ei natt med lite søvn. Klokka 0922 sit eg og ammar minsten, og telefonen ringer frå soverommet. Det var like før eg ikkje tok han, men eg gjorde det etter at den hadde ringt leeenge. "Hei, eg ringer for tannlege NN - er du på veg?" Æh, ikkje akkurat. Då gjekk det opp for meg at eg skulle vore til tannlegen klokka 0915...
Sånn kan det gå, og slik gjekk det altså. MEN; medan eg såg for meg ein rekning for utelatt oppmøte til time + lang venteliste for ny time, så ordna dei ny time for meg ein time seinare, og tok ikkje ekstra betalt - god service!

Dagen gjekk seg med andre ord til etter ein humpete start. Vel tilbake hadde sambuaren min starta med vindusvask (det var dags for eit halvt år sidan og forskjellen var ENORM) og eg byrja på julevasken på kjøkkenet. Tak og veggar med grønnsåpe og salmiakk - luktar godt : )

Dagen i dag ga meg ein ide til eit lite prosjekt, derav notatblokka på bildet. Kva det er skal forbli ein hemmelegheit inntil vidare : )

Ha ei fin veke!

6.desember - Kreativitet & fugleføde

2009-12-06T20:00:00.005+01:00

6.desember og det har vore full fart frå morning til kveld. Kalendargåve: vaskeservant med røropplegg i skapet : -) Eg, vetla og minsten skulle eigentleg på juleverkstad med ei venninne, men då ho låg forkjølelsessjuk satte me i gang på eigen hand.
Her er vetla i full gang med å male trehjerter som skal på treet. Ingenting å seie på innsatsen. På biletet over er nissemor som ho laga (med litt hjelp frå underteikna). Elles laga me papirlenker til juletreet, nellikappelsin, kanel/anis-pynt for litt julelukt....

...lys! Det var det Nils som sto for og han var svært så stolt då det synte seg at det til og med brant : -)

Eg laga fuglemat av delfiafeitt, mandlar, solsikkefrø og kokosmasse. Fekk endeleg bruk for silikonmuffinsformene mine som har ein noko ukurant størrelse.

Her er dei komne på plass. Så er det berre å vente på småfuglane. Det spørs vel litt om dei kjem, dei lir jo ikkje akkurat nokon naud her enda...

Dagen vart avslutta med nissefest. Vetla i nisseklær med raude kinn og fregner, og minsten godt innetulla i skinnposen sin i vogna. Ho møtte på nabojenta, og dei kosa seg veldig. Julegrana vart tent, Nissen kom og det var eit heidundrandes fyrverkeri. Sistnevnte falt ikkje i smak hjå korkje vetla eller minsten trur eg. Sidan var det rett heim og i badestampen med vetla, medan minsten vart lagt på eige rom for fyrste gong. Det skal verte spennande å sjå korleis det går!

Vel, det var den dagen. I morgon startar ei ny veke, og på tapeten står julevask. Så gjenstår det å sjå om det vert noko av, eller om det dukkar opp noko kjekkare å ta seg til : -)

Ha ein fin 2.søndag!

5.desember - Høgt i toppen

2009-12-05T20:34:00.003+01:00

5.desember og ei ikkje så spennande kalendergåve: ein skammel til badet. Medan vetla og sambuaren "fanga juletre" så ho sa, var eg og minsten heime og laga limekarameller og sjokoladetrøflar - nam! Vert mykje snop og lite julekaker her i år (i motsetning til tidlegare år då det var lite av begge deler :-)
Då dei kom heim sto pynting for tur. Vetla tok strålande opp den eine pynten etter den andre: "denne huskar eg!!!" Må seie det kjennest litt rart å pynte juletre så tidleg. Frå heime er eg van med å pynte treet på julafta (om morningen)... Fint vart det i alle fall, glissent, men skeivt! Eg konstanterte i år, som i fjor, at me har nok juletrepynt. Det hindra meg imidlertid ikkje i å handle juletrepynt på salg i januar i år, så me får sjå om hukommelsen er betre på nyåret. Frå no av skal alt tilskot vere heimelaga!

Må avslutte med denne skjønne nissejenta. Vogga er satt på "gangen" for å gi plass til juletreet, men og fordi minsten har vakse ut av den og kviler på rommet om dagen. No når ein har kommen seg litt opp og fram her i verda var den ikkje så ille å ligge i likevel, fekk bra utsikt!

I morgon er det mykje på tapeten. Juleverkstad med ei venninne og hennar to. Etterpå fakkeltog og juletre-tenning borti sentrum her. Kjekt med jul gitt!

4.desember - Me pyntar!

2009-12-05T07:32:00.003+01:00

4.desember - (eg juksar litt sidan det i skrivande stund er 5.desember...) ingenting er som kaffi og toblerone grytidleg om morningen. Vel, søvn hadde gjerne toppa det, men det er ikkje eit alternativ :-) Minsten har bestemt at no er det morning (ho prøvde først å bestemme at det var morning kl 5, men då satte me foten ned..). Kalendargåve: Skillevegg til badet, med ein liten servant, knagg til handkle, dorullhaldar, ekstra dorull, dobørste og vaskemiddel. Trur eg må ta bilde når alt er på plass, det er så utruleg fint med alle detaljane.
Innflytningsfesten 3.desember drøya litt lenger enn planlagt for min del og eg kom heim i halv åtte-tida om kvelden. Eg hadde imidlertid lova vetla at me skulle pynte pepperkakehus, så me køyrde igang. Som de ser av mengden pynt utover glasur, så besto vetla sin innsats mykje i å prøvesmake. Det er vel som det skal vere! Og, -som de ser av glasurpyntinga, så var det altså litt seint på kvelden, og eg var kanskje litt ivrig etter å bli ferdig. Det vart no koseleg lell syns eg.

Det er foreløpig ingen bebuarar i huset, men me får sjå etterkvart.

Vetla vart verande att hjå besteforeldra om kvelden, og me "vaksne" kosa oss med Dolly-pizza og "Engler og Demoner". Filmen var bra den, men når mykje skal overførast frå bok til film, er det fort det vert litt opphopning på slutten som får ein mindre elegant løysning.

Morgondagen, eller dagen i dag forsåvidt, står det juletrehogst på programmet. Me er noko tidleg ute, men for meg er det slik at i desember kosar eg meg veldig med julepynt og førebuingar til jul. Etter nyttår derimot, kan eg ikkje vente med å få ting ut. Dermed vert det slik at me heller tar ting inn litt før for å ha litt glede av det før det skal ut att :-)

3.desember - For fulle segl

2009-12-03T13:55:00.003+01:00

3. desember og dagens kalendarpakke - ein do! Men ein veldig fin ein som sådann :-)

I dag skulle dei siste pakkane til pers. Lyset vart tent...
Pakken ligg klar. Spenninga er til å ta å føle på!

Det sydar og boblar i støypeskeia.

Brevlakken renn glødande varm ned på det intetanande pakkebandet.
Seglet ilar til og set sit merke i lakken. Jobben er gjort.

Nåja, i alle fall halvgjort. Ein får ikkje vere så pirkete i jula.

I dag skal ho mor (les: meg) kle seg i klær utan gulp (om eg kjem meg ut døra i klær utan gulp vil tida vise) og vere med på innflytningsfest på jobben. Heile bygningen der eg jobbar gjennomgår ei omfattande renovering og tida har no kommen for vår etasje å flytte inn i nye lokale. Eg høyrer dei er kjempefornøygde, så det skal bli spennande å sjå! Det var på høg tid at noko skjedde i alle fall, makan til slitt og kjedeleg som det var skal ein leite lenge etter (eller kanskje ikkje...). Eg vert nok ikkje med til dei seine nattetimar sidan vetla enda brukar meg som hovudernæringskjelde, men eit par-tre timar kan ho nok unnvere meg. Skal bli kjekt!

Ha ein fin 3.desember!

2.desember - Construction

2009-12-02T21:06:00.005+01:00

Lys nummer 2 er på veg ned og det samme er dagen. Kalendaren var igjen første tanke som slo ned i vetla i det ho sto opp, og den vart pakka opp i full fart. Ei lita saue-jente i dag.
Pepperkakedeigen til huset har lagt i kjøleskapet eit par dagar sidan det ikkje er ein jobb eg ser fram til, men i dag tok eg meg sammen. Eit par brannsår og eit salig sukkerkliss på kjøkkenet seinare såg dette vakre (?) huset dagens lys. Det er gelatinplater til vindu må vite :-)
No gjenstår pyntinga, og det er der vetla kjem inn i biletet. Det får me ta i morgon eller dagen derpå.
Slik såg altså handa ut etter endt dyst. Det er burngel, ikkje blemmer de ser - berre så det er sagt.

Under har ein flokk pingvinar frå fjorårets juleverkstad samla seg i ei bomsterpotte med miniatyrplanter. Ser litt i varmaste laget ut, men det går nok bra..

Alle julegåvene er no i hus, dei fleste vart pakka inn i går, og me har ikkje så mykje på tapeten anna enn å tenne lys og koooose oss. "Vert det meir julestemning her no, så...." so han sa sambuaren min.

1.desember - Æ kan baaakæ!

2009-12-02T20:50:00.005+01:00

Min eigen adventskalendar får starte dagens innlegg. Lyset er enda ikkje tent (kan røpe at biletet vart tatt 30.nov...), men det er like før.

Dagen starta med etterlengta kalendaråpning. Ho har spurt etter det i minst ei veke, og endeleg var dagen her :-) Første pakke var ei enkeltseng med sengetøy. 70-talls nissen har eg sydd sjølv for nokre år sidan (før vetla var påtenkt), og før neste jul må eg vel lage ein kalendar til tenkjer eg.

Så var det baking. Han eg bur med er ikkje den heilt store kakeentusiasten, men sandnøtter kunne han vere einig i. Så det vart sandnøtter (snart tomt!), og Fars yndlingskake (tomt). Må nok til pers ein runde til.

Til slutt sto innpakningspapir, til-frå-lappar og segl på to-do-lista. Har bestilt nokre skjønne tags frå FotoKnudsen, men dei var ikkje komne enda. Får bli ved ei anna anledning.
Merkar det meir og meir for kvart år at dette med å lage tradisjonar for vetla, og etterkvart minsten, vert viktigare og viktigare i takt med at eg ser at vetla huskar att ting frå foregåande år. I år har eg i tillegg den luksus at eg har tid til det meste av det eg vil gjere. Huset er pynta til 1.søndag i advent, og dei fleste julegåvene er i hus før desember slik at den månaden kan brukast til kos :-) Julevasken står på lista kvart år, men den blir det ofte så som så med...

Ha ei fin adventstid!

IKEA-tur og glede

2009-11-26T20:39:00.004+01:00

Eg innrømmer det gjerne, Ikea-turar gjer meg glad. Ikkje akkurat sjølve turen (var morosamare før utan ungar og agenda : )), men resultatet. I dag var hovudformålet ny seng. Den gamle har spelt ut si rolle og gir dårleg rygg. Eit søk på nettet synte Ikea sine madrasser (lause) som best i test, og me var ikkje framande for å gå over til seng frå rammemadrass. Med på handlelappen kom og teppe (må byte ut eit langhåra teppe i stova som husar alt for mykje farleg for ei lita klåfingra jente å få i munnen) og servise for 12. Etter å ha leite lenge, fant me eit på Ikea som er heilt greit, synte seg å ha god kvalitet og kosta under tusenlappen for 12 personar (tallerken, suppetallerken og asjett). Veldig godt fornøygd med alt sammen og gler meg som ein unge til i morgon når me skal skru sammen seng og nattbord og heile sulamitten! Før- og etterbilder følger : )

Dette er ikkje den einaste overflatiske gleda eg har for tida. Som kalendargåver til vetla (minsten må vente eit år..) har eg kjøpt nokre sett med Sylvanian Families møblar, samt 1 familie (sau). Det vart nok i dyraste laget, men eg vart noko reven med. Detaljane på møblande er heilt utrulege! Til jul får ho hus til dei av oss, og eit hagesett og nokre møblar hjå vetlesøstra. Gler meg til å sjå reaksjonen, håpar ho likar det. Eg vert i alle fall ikkje vanskeleg å be når ho vil ha meg med på leiken : )

Om følgande er ei overflatisk glede eller ikkje er uvisst, men eg og sambuar har kost oss masse med nokre julegåver me har "laga" i år. Gler meg til å gi det vekk!

Ja, og så gler eg meg til advent, til kos med familien, til bakedagar, levande lys, julepynting, julekvelden med god mat og godt selskap - i det heile tatt mykje å glede seg til framover!

Kva gler du deg over og til?

Alt vel!

2009-11-24T17:54:00.003+01:00

Las mitt forrige innlegg om vaksine, død og fordervelse og måtte smile litt av meg sjølv. Tenkte i alle fall det var på sin plass å skrive ein liten kort notis om at alt står bra til - ingen bivirkningar å spore i det heile tatt : ) No held minsten på å ete opp pyjamasen sin, så er vel på tide med litt foring : )

Svineinfluensa meg her og der

2009-11-23T21:45:00.002+01:00

Lenge, lenge sidan sist eg var her inne ser eg. Tida fyk når det er mykje som skjer. Sidan sist har me vore sjuke, hatt 2 veker med sol og varme på Gran Canaria, vore litt meir sjuke, kommet godt i gang med julehandelen, og no i dag hatt 4-årskontroll med påfølgande vaksinering av vetla og minsten.

Vaksinering - syns det er litt skummelt. Me kom imidlertid fram til at me veit jo ikkje til eller frå, og må pent stole på dei skal kunne litt om det. Og når det gjeld dødsfall av vaksine, så skal det litt til at ingen dør etter vaksina med tanke på kor mange som får den på så kort tid. Dagleg dør det jo rundt 120 mennesker i Norge. Så no søv dei søte små, foreløpig utan bivirkningar. Me får sjå kva morgondagen bringer...

Blir ikkje lange innlegget dette heller. Har tilbrakt dei siste kveldane forann pc'en ifbm julegåveforbereiingar, og er litt metta på det. Men tippar eg får ånden litt meir over meg når julefreden senkar seg (har ikkje all verden med julegåver att ser du : )

Til da - ha ei fin veke!

Trøbbel i bloglandia?

2009-10-15T21:00:00.003+02:00

Trøblar ein del med bloggen for tida. Får ikkje lagt inn bilder. Er det berre meg så eg må til med problemsøking på pc'en, eller er det eit gjengs problem?

Ellers regnar det her. Det har regna nesten jamnt sidan juli. Planen var strålande trillevèr og lange turar, og sjølv om det har vore sorten så har det langt frå så mange som eg skulle ønske. I går var det imidlertid ei lita sprekk i skylaget og dagen vart brukt til å klargjere hagen for vinteren. Fekk gjort litt i går og ein del i dag, men treng eit par dagar til. No piskar regnet på rutene igjen, så det gjenstår å sjå...

Med slikt vèr virkar sydenturen me ventar på enda meir fristande. Skal bli godt med eit par vekers sol og varme etter sin slik sommar og haust.

Av mangel på sol må ein finne seg andre lyspunkt i livet. Og det er ikkje akkurat vanskeleg. Me har fått ein flott fireåring i huset sidan sist og minsten rullar rundt i full fart på golvet. Begge er smilande og fornøygde - og foreldra med!

Ha ein strålande haust vidare!

På veg til Sogn

2009-10-02T08:39:00.005+02:00

Når me (det vil seie min sambuar sidan eg har "fri" heile tida) har nokre dagar fri, så går turen ofte til Sogn der eg kjem i frå. Som regel prøver me å skvise flest mogeleg tunnelar inn (sidan det er så kjekt) og køyrer via Lærdal - der får ein jo ein ekstra bonus i den 25 km lange Lærdalstunnelen. Ein sjeldan gang er me imidlertid ørliten grande lei av tunnelar, og da køyrer me Vikafjellet. Sånn såg det ut der då me tok turen for eit par veker sidan.

Under er me komne til utkikkspunktet før ein byrjar på nedstigninga mot Vik. Fantastisk fin utsikt!

Ut på tur, aldri sur - dette uttrykket passa vel bra her! Ho er like glad uansett om det er bleieskift eller timevis i bil som står på plakaten.

Når me nærmar oss ser me dette eksempelet på god marknadsføring, det gjeld å gjere seg bemerka...

Om det ikkje er så lett å sjå, så står det altså: Med vår potens så veit du svaret; Nypressa balla kompakt og harde. Jepp - og med dei vakre orda vil eg ønske alle ei strålande helg!

Litt på etterskot

2009-09-27T22:30:00.005+02:00

Tilbakeblikk på ein sjeldan fin haustdag. Nieser på besøk og bønder i byen. Me tok turen ut til bygda der sambu kjem i frå for å prøve lukka som krabbefiskarar.

Krabbane lot vente på seg, så då var det tid for litt steinkasting.

Alle var med, små og enda mindre : )

Så det er slik himmelen ser ut bak skyene? Leeenge sidan sist!

Første krabbe ut - kan kanskje tåle og verte litt større. Men så var me ikkje ute etter mat heller, då...

Nestemann var noko større, og hakket hissigare! Dei vart fanga inn med tau og skjelinnmat.

Ingen krabbar vart skada under denne "foto-shooten"!

Og alle var einige om at det hadde vore ein fin dag : )

Av og til treng ein ei påminning om at det fins anna vèr enn det me har no... Ha ei strålande veke alle saman!

Nina Children Home

2009-09-25T08:55:00.006+02:00

Apropos initiativ som eg skreiv om i forrige innlegg. Dama på bildet under er Nina Sørlie - eit fantastisk eksempel på initiativ! Ho har tidlegare drive ein gard aleine, og arbeidar framleis innan omsorgssektoren når ho er i landet, men då barna hennar flytta for å gå på skule reiste ho til Afrika for å starte barneheim!

(Bildet er henta frå heimesida til Nina Children Home - håpar det er greit, Nina!)

Barneheimen heiter Nina Children Home og på heimesida http://www.ninachildrenhome.org/ kan de lese meir om arbeidet ho gjer. Ho driv det med det ho tjenar når ho er heime i Norge, samt pengar som folk støtta ho med ved å setje det inn på konto oppgitt på heimesida.

Eg tykkjer det er fantastisk det ho gjer, og skal snarast legge inn månadleg autotrekk. Me som ikkje er like "ut-og-gjer" kan i alle fall gjere det me kan for å hjelpe dei som er det! Eg vil oppfordre alle som les dette til å gå inn på heimesida og lese om barneheimen, og å støtte den om de kan!

Ha ein strålande dag vidare!

SOS

2009-09-25T08:36:00.004+02:00

Forskjellane i verda vert av og til forferdeleg tydelege. Eg har i det siste gått igjennom og sortert alt av klær til småttisane. Me er så heldige at me arvar på begge sider av slekta, og resultatet er blant anna at me har mykje av kvar sort av det meste. På bildet har turen kommen til ytterklær. Vinterdresshaugen i midten...
Etter at eg hadde lagt vekk ein vinterdress, vårdress, regnklær, ulldress osv i kvar størrelse i tillegg til x-antall vinterjakker, vårjakker, luer, vottar, så var det framleis haugar att. Desse vart sortert i brukande (ikkje utslitt eller skada) og boss. Dei brukande vart pakka i bossekkar som no er sendt med lastebil til Ukraina organisert av SOS Ukraina. Her har me så mykje at me kan velge den varianten me likar best i kvar størrelse, og så er det andre som manglar det meste i dei fleste størrelsar. Er utruleg flott at det fins initiativ som SOS Ukraina slik at fordelinga kan bli øøørliten grann betre!

Mi casa - II

2009-09-24T22:04:00.005+02:00

Part two. Og me er komne til bad, vetla sitt soverom, kontor/gjesterom og hobbyrom/gjesterom. Og det får vere enden på min vetle føljetong : )

Først hobbyrom/gjesterom. Kjem først sidan det er mitt favorittrom og eg har planar om å tilbringe ein del tid der til vinteren : ) Masse plass i Expedithylla frå Ikea.

Magnetisk tavle med krydderboksar frå Ikea til småting og magnetar der ein kunne feste små klyper på - Eg ølskar Ikea so ho seier vetla : )

Arbeidsbord, og frå Ikea (surprise!)

Og gjestesenga der i bakgrunnen... Syns det er for dumt å vie for mykje plass til noko som ikkje er så mykje i bruk. Og det er plass nok. Til høgre nok ei Expedithylle.

The Office. Saman med tinga i hobbyrommet utgjorde det de ser på bildet innhaldet på det tidlegare kontoret på 6 m2!! Utruleg kva ein kan få plass til om ein stablar godt : ) Ser litt i gjestesenga i høgre hjørne, for små gjestar.

Meir kontor, masse plass. Dette er sambu sitt rom, for min del er det kun oppbevaring (alt det morsomme er jo på hobbyrommet).

Nærmar oss slutten no, og med den - badet. Eg har snedig nok unngått å få med alt rotet stelleplassen fører med seg (den er på andre sida av vasken), men det skal seiast at det er ganske praktisk å kunne ha den på benken på den måten.

Dusj bak ein glasvegg og badekar bak den andre. Eg ølskar badet og : )

Til slutt vetla sitt rom som nok ein gang har gjennomgått ein liten omrokkering. Senga er ei rammemadrass som står på 4 Expedithyller. I dei fremste er leikene, og i dei bakerste ligg for store klede og ventar på minstejenta. Foreløpig kjem ho seg opp via krakk, men eg trur me må lage ein smart stige til ho etterkvart. Bordet er klaffebord og kan slåast ned. Persienner i taket kan sleppast ned for å lage eit lite rom.

Rotehyllene er der framleis. Tre kjekke tøyboksar med hemper i er kjekke til småting som ikkje passar i nokre av dei andre kassane.

Tegnebordet. Litt ukurant høgde så me må spesialtilpasse eit par krakkar tenker eg (les: sage av beina på dei).

Så no er det berre å få ho til å sove der : ) Foreløpig søv pappa'n på golvet hjå ho på ei for lita madrass, men det går på fram.

Det var det. Eit nokonlunde ryddigt hus dokumentert for ettertida. Her kan eg sjå tilbake når alt flyt, som det ofte gjer, og drømme meg vekk til tider da det var enklare å halde orden på ting. Det vil ikkje seie at eg ønsker meg tilbake dit, rotet kom med dei skjønne små : )

Ha ein strålande kveld alle saman!

Ein sommar forbi...

2009-09-18T09:42:00.003+02:00

Det er litt vemodig, men og litt deileg at sommaren no er gått over til haust. Den gode hausten vel og merke, som berre er litt kjøligare enn sommaren, og som framleis kan love mange fine dagar (om me er heldige). Ein kan ikkje ta vèret for gitt, som me har fått demonstrert i heile august - regn over heile linja. No har det imidlertid vore litt opplett og sol i det siste, så eg måtte sjå kva stoda var i hagen.

Eføyen har endeleg roa ned buskveksten og har byrja klatre oppover berget han vart satt der for å skjule.

Denne klematisen er utruleg villig og veks FORT! Og så kjem den med dei søtaste blomstrane på seinsommaren og utover hausten.

Her er dei.

Kaprifolen blomstrar fint enda, den har og vokse noko enormt.

Og så var det hortensiaen. Hausten har satt sine spor i den, men den er flott enda. I år kom det litt blomster på den, men dei vil framleis ikkje blomstre heilt inn til midten på blomsten...

Japanlykta lever opp til namnet sitt no for tida. Vakkert!

Nyt hausten folkens, snart er slapset her : )

Mi casa - I

2009-09-10T21:31:00.005+02:00

Eg startar med mi sedvanlege innleiing no i det siste: lenge sidan sist! Det byrja med romma nede som seinast i dag vart komplette med straum, lampar i taket og persienner i vindauga. Dei er no innreda både med møblar og alt anna som skal høyre heime der. Vetla har til og med rukke og tusja på veggen, så då er dei offisielt klar : ) Etter at me for det meste ferdigstilte dei, så har det tatt litt av. Rommet til vetla er stadig bakgrunn for mykje grubling sidan det er så lite (6 m2). Sidan plassen er begrensa vert det desto viktigare å sørge for god utnytting av det som er, med nok oppbevaring til at alt har sin plass. No er det ikkje så lenge sidan me hadde ein liten make-over der inne, men denne gangen vart det meir omfattande. Meir om det i eit anna innlegg - når rommet er klart...

Rotar meg veldig vekk her no. Rommet til vetla vart dermed starten (eller fortsetjinga) på ein fullstendig gjennomgang av alt i huset. Så nær alt er sortert og plassert og mesteparten av huset er vaska og klart for helga. Resten står for tur i morgon. Dermed nytta eg sjansen til å ta litt bilder. Noe er det ikkje slik det ser ut mesteparten av tida, det skal vere sagt, nettopp derfor var det eg skunda meg og tok bilder : ) Litt i dag, litt i neste innlegg. Så without further adue (eller kva det no heiter) - første del av rundturen i huset vårt:

Dette er minikontoret i rommet der trappa kjem opp frå første etasje. Tidlegare var dette hobbyskapet mitt, men no har eg eit hobbyROM, så då er det blitt plassen for bærbar pc og betaling av rekningar.

Fortsatt i samme rommet. Skapet har vore raudt, så svart, så kvitt før eg fant det og slipte det ned att. Det er eit vaskefat-skap som no tjenar som barskap. Tomatplantane har sluppet inn i varmen og haustinga er i full gang - ikkje så lekkert, men godt!

Fortsatt samme rommet - rommar litt av kvart det : )

Måtte berre få med vedkorga kjøpt på Plantasjen "hin" dagen. Den er vel kanskje ikkje meint som vedkorg, men det må prøvast.

Over til stova (som heng saman med kjøkkenet, eit såkalla allrom). Vetla har fått sin eigen krok med stol og bord. Bordet er eigentleg eit hagebord, men det er så søtt at det får stå inne. Og det er flittig i bruk til kafè- og butikkleik. Stovebordet var opprinneleg brunt med korger under, men likar det betre no.

TV kjem ein ikkje unna sjølv om me ikkje har vore tilkobla parabol sidan mai. Det starta som eit eksperiment, og synte seg å ikkje etterlate seg så stort sakn. Det er kanskje på tide å seie opp Canal Digital-abonnementet..? Det skal seiast at me ser DVD, NRK på Internett og diverse på harddisk, så heilt avholds er me ikkje. TV-benken er eit skap besteforeldra mine hadde, og som opprinneleg var brunt. Då me fant det var benkeplata omtrent øydelagt av mit, så den måtte skiftast. Etterpå vart det malt kvitt. Det me hadde gløymt å sjekke var om forsterkar og alt det andre gjekk inn i det - noko det ikkje gjorde. Me måtte styre ein del, men no er dei inne - dei kjem nok ikkje ut at, men den tid den sorg!

Litt detaljar til slutt..

Måtte ha denne nydelege Hortensiaen på Plantasjen - har elles kun grøne plantar inne av ein eller anna grunn.

Dette er nok eit lite merkeleg innlegg skal eg innrømme, men med ungar i huset ser det nesten aldri slik ut lenger, så eg kjende trangen til å forevige augneblikket - mest for eigen del : ) Fortsetjing følgjer...

Frisk som ein (litt sjuk) fisk!

2009-09-01T21:13:00.003+02:00

Eg og vetla (ikkje minste-vetla, men ho andre : ) har vore i "karantene" den siste veka. Me fekk begge influensasymptom mandag i forrige veke - vond hals, feber, hovudverk mv og kunne då lese på Internett at det antakelegvis var svineinfluensa... Oookay!

Neste punkt var å halde seg heime i 7 dagar (gavepakke for alle som treng seg ein liten ferie med andre ord - såfremt ein ikkje faktisk får svineinfluensa og må gå og be om ny sju-dagers sjukemelding...). Over til gode råd for å forhindre spredning: Den som er sjuk bør ligge på eige rom og behandlast av ein person. Eg skulle likt å sjå at me skulle klare å halde vetla på eit rom for seg sjølv i 7 dagar uansett, og i alle tilfelle ikkje når ho var så godt som frisk etter 1... Neste råd: Bruke munnbind ved amming. Kva med resten av dagen når ein må ta seg av ein baby? Og kva med det faktum at ein er smittebærar før ein syner symptom? Me høyrde og las dei råda som var, men enda opp med desse: Hoste i armkroken og hyppig håndvask/bruk av desinfiserande væske.

Dette har med andre ord vore ein noko rastlaus veke. Eg har vore sjuk og ete Paracet, medan vetla har vore kvikk som alltid. Vanskeleg for ho å skjønne at ho ikkje kunne ut å leike med vener, men etter kvart innfant ho seg med det. Me merka av i kalendaren når ho kunne ut å leike, og ho talde ned kvar kveld. Takk og lov for regnveret så ho slapp å sjå dei andre leike ute i alle fall!

Noko konstruktivt har med fått gjort likevel. Mandagen då me vart sjuke var me nemleg på IKEA for å handle inn møblar mv til dei to romma nede eg har nemnt, og veka har gått med til å få orden på dei. Kjennest utruleg deileg å ha sortert og rydda gjennom ALT. No gjeld det berre å halde det slik ei stund... Eg har siste finpussen att på romma, så kjem det bilde. Kan seie at eg allereie er veldig glad i hobbyrommet mitt : )

Vel, det var ein liten oppdatering. Så er det berre å vente vidare på å bli heilt frisk, på ny router så ikkje Internett er så ustabilt og tregt (ingen bilder i dag altså), på at tomatane skal få farten opp no då dei er tatt inn i varmen - og på finare ver!

Ha ei strålande veke alle saman!

Eg vil, eg vil....vite!

2009-08-23T19:16:00.006+02:00

Ein skulle tru at eg hadde all verdas tid til å skrive i bloggen no i desse permisjonstider. Den gang ei. Dagane flyr, og eg prøver å henge med som best eg kan. Vetle-gullet er ein liten engel, søv godt om natta og er blid som ei sol, og svært tolmodig, om dagen. Og dagane går med til litt hagesysling, men mest innearbeid no om dagane. Me er i avslutningsfasen med dei to soveromma nede som sto att då me bygde huset. No skal dei verte gjesterom/hobbyrom og kontor/gjesterom. Kontoret oppe skal gjerast om til rom for vetle-gullet. Ho kjem nok ikkje til å flytte inn med det første, men kjekt å ha ein plass for klær, ting osv. Bilder kjem når det er klart...

I dag har me vore ein tur på VilVite i Bergen. Det var utruleg kjekt, både for oss og vår fireåring-to-be! 4 timar forsvant fort, og me avslutta med ein tur i Nygårdsparken. Eg har ikkje vore der før til tross for at eg no har budd i byen og omegn i ganske mange år, og den synte seg å vere vel verdt eit besøk!

Og så var søndagen (nesten) gåen. Me skal putte to trøtte og fornøygde ungar til sengs før me fortsetter med kontorflytting. Utruleg kor mykje papir MED MEIR ein kan få inn på eit rom på 6 m2. Bra me ikkje flyttar INN på det rommet... Ha ei knakande flott veke!

Feriehage

2009-08-06T17:57:00.003+02:00

Me er tilbake etter ein lang ferie vekke frå hus og heim. Hagen såg ut deretter... Eg har ikkje tatt bilde av alt som ventar meg av luking rundt hekken, men åpnar heller med eit gledeleg syn. Hortensiaen blomstrar med mange blomster dette året. Ikkje så voldsomt for dei som er vane med langt rikare blomstring enn det eg har, men samanlikna med året før då det kom ein blomst som ikkje utvikla seg fullt ut, så er det ganske bra!

Over har klematisen eg ikkje huskar navnet på klatra enormt på dei fire vekene. Nett som planlagt : ) Og den stakkars kaprifolen, som normalt sett ikkje lar seg pelle på nasen, har heilt gitt opp kampen om den beste utsikta. Men den kjem etter..

Her er den begredelege kjøkkenhageavdelinga. Sukkerertene har fått seg ein knekk. Kan det vere gulrøtene som vart for heftige for dei? Ikkje veit eg. Dei er gule, og smakar litt mindre ein kjempegodt. Men tomatane (heilt i bakgrunnen) ser bra ut. Det kjem mengdar av cherry- og plommetomatar.

Og til slutt, godstolane er komne på plass att med ønske om mange fine sommardagar på terrassen enda!

Bringebærduk

2009-07-28T17:33:00.002+02:00

...er svaret på utfordringa under. Det var i alle fall det vetla sa då ho hadde sett på tante presse bringebær til råsaft ein dag. "Tante lagar bringebærdukar!" Det er altså det som er att av bringebæra etter pressing - ein relativt tynn "duk", fin på farge og heilt tørr. Den vert brukt som hjortesnacks, så den går ikkje til spille.

Ei utfordring - kva er dette?

2009-07-26T19:35:00.004+02:00

Denne gangen veit eg kva det er, men spørsmålet er om nokon av dikka kan gjette det? Vetlejenta (den eldste, men likevel vetlejenta : ) hadde eit bra ord for det, men det kan eg ikkje røpe før etterpå...

Sommarfuglsommar

2009-07-25T19:11:00.003+02:00

Mnemosynesommarfuglen. Den er visstnok trua, men det såg ikkje slik ut då eg gjekk på tur rundt neset. Den trivst veldig godt i Luster, og bebuarane der har dermed ei ekstra "plikt" til å ta godt vare på dei : ) Eg visste ikkje dette før eg las det på Grete Lettings blogg, ta ein kikk innom!

Feriemodus

2009-07-20T22:08:00.003+02:00

Tid for ferie og late dagar...eller? Det har vore tid for ferie ei stund no, men dagane har ikkje vore så late. Ikkje spesielt strevsomme heller, men det er begrensa kor late dei kan bli med barn i familien. Men me kosar oss! Kveldane går med til kose-amming, så blogskriving er ikkje så godt å finne tid til. Det er for så vidt nett som det bør vere når det er ferie og familietid : )

Over litt stemningsbilder frå Sognaturen vår - og med det vil eg ønske alle fortsatt fin sommar!

Nokon som veit?

2009-07-04T22:56:00.005+02:00

Gårsdagen var ein veldig effektiv (relativt sett post fødsel) hagedag der eg planta dei fleste "potteplantane" ut i bed, flytta og styrte på. Dei som sto att i potter fekk utvida tumleplassen sin i ei større krukke. Ingen bilder då eg var alt for effektiv til å ta meg tid til forevige resultatet...

Seinare på dagen tok me ein tur til Øygarden der sambuar og eldstejenta tok ein tur på sjøen for å søke fiskelukka, mens eg og minstefrøkna hadde hagevandring hos "svigermor". Eg har nok nemnt det før, men mor til sambuaren min har ein kjempehage, og er nok ein stor del av årsaka til at eg vart hekta. Det vert med andre ord alltid mykje hageprat når eg er der.

I dag har me hatt besøk. Men først tok eg bilde av denne karen som var ute og sjekka tilstanden tidleg i dag. Eg likar ikkje edderkoppar i det heile tatt (har nok litt fobi), men denne har fått vere i fred. Han var der i fjor og, og så lenge han ikkje prøver seg på noko skal han få vere...
Men; tilbake til besøket. Det gjekk i bading, bading, kaffi, saftis (i hopetal), grilling og bading igjen. Nok ein kjekk sommardag med andre ord, og i godt selskap!

Etterpå var det tid for vatning. Eg har bore mengder med vatnkanner frå bassenget, men hekken vart vatna med sveitteslange (som ikkje er gravd ned enda sidan me låner inntil vidare) til trass for antatt vatningsforbod - skal aldri gjere det meir!

Så over til opphavet til overskrifta. Me får stundom besøk på terrassen, og ikkje av den tobeinte sorten. Av og til er det ikkje godt å seie kor mange bein som er inne i bildet. Som under. Kva i alle dagar er dette? Er det nokon som veit? Det ser ut som ei åme eller liknande som har rulla seg rundt i barnåler og diverse, og som no kan krype rundt med dette, samt forsvinne inn i det... Er takksam for innspel til kva det kan vere!

Og til slutt; name this flower! Etter å ha sett eit innslag på Grønn glede om Orkidear langs vegkanten i nord, så lurer eg på om dette kan vere ein orkidé? Blomstrane har i alle fall orkidépreg. Den står blant lyng og stritt gras i eit område som er delvis myr når veret er mindre tørt enn no.

To utfordringar på slutten av dagen altså - fyr laus!

Ha ein strålande sumarkveld vidare!

Blomstring i brekko

2009-06-28T22:53:00.006+02:00

Eit lite forsøk på strilamål - truleg lite vellukka. Veit ikkje om dei ville brukt brekko om ein liten skråning, men det får våge seg : ) Ein liten bildespesial i dag, med tema - Kva blomstrar i skråningen/brekke i slutten av juni?

Til slutt brekko i solnedgang...

Ein fabelaktig hagedag går mot slutten. Bortimot heile dagen har vorte tilbrakt i hagen med luking, rydding, kos og dilling. Nett so da ska vera : )

Hot, hot, hot...

2009-06-25T21:13:00.003+02:00

- på engelsk for anledningen, og veldig passande for dagen som nærmar seg slutten. Temperaturen synte 27 grader på terrassen, i skyggen! Leveggen nærmar seg ferdig, og med den behovet for skygge : ) Så no pønskar me på ein pergola med sol-/regnsegl som kan trekkast fram etter behov.

Dagen vart brukt til litt smårydding på terrassen. Hadde planar om å luke skråningen mot sør, men det var alt for varmt for det. Valmuane måtte bøte med livet, dei var ikkje mykje til pynt lenger. Og forresten, ein Ikea-pose kan brukas til så mangt!

Skikkeleg ryddemodus i dag. Pionane er over si glanstid, og det er tid å sleppe rosene til. Men sjølv etter dei er kassert kan dei sjå vakre ut, dei veit å gå med stil!

Og til slutt, litt av det som er i vente...

Ha ein fortsatt fin sommarkveld! Nyt!

Dåp på Ornes

2009-06-24T19:31:00.004+02:00

Då var dåpen vel overstått, og gjeremål som har vorte satt litt til side i det siste vert påtrengande... Men først; eit lite tilbakeblikk på søndagen som var...

Sidan mange (dei fleste) av gjestane var tilreisande som måtte returnere samme dag, var programmet stramt og nøye regisert : ) Me starta med brunsj (sein frukost, tidleg lunsj) klokka 1030. Bordkorta var kombinert bordkort, velkommenhelsing og dikt til dåpsbarnet ("Det største mysteriet er ikke mer..." av Andrè Bjerke). Blomstrane var nellikar i potter som vart donert til mine kjære foreldre etterpå - dei sto for lokala og god eplemost - blant anna! Tusen takk for det!

Etterpå bar det opp i kyrkja. Dåpen foregjekk utanfor Urnes Stavkyrkje. På grunn av restaurering måtte dåpen haldast utanfor. Me var lenge litt bekymra for stygge vervarslingar, men dei vart gjort til skamme - dagen kunne ikkje ha vore betre! På biletet over sit forsamlinga og ventar på presten, og oss : )

Og her kjem me...

Etterpå vanka det kaker (tusen takk til alle bidragsytarar!) og kaffi. Over er eit glimt av dåpskaka, marsipankake med jordbærfyll av ferske jordbær.

Til slutt eit bilde av dåpsbarnet etter at dagen var vel overstått. Det er representativt for hennar opptreden. Ho sov seg gjennom heile dagen, til og med då presten bløytte ho ut...

Takk til alle gjestene som var med på å gjere dåpen til Ylva kjempeflott!

Ikkeno'...

2009-06-15T21:58:00.002+02:00

...spesielt å melde eigentleg. Etter eit par mislykka forsøk på å publisere innlegg har, har eg latt pc'en få fred i nokre dagar. Saken er at eg ikkje har så mykje tid/overskot til å skrive i skrivande stund : ) Vetla har heldigvis skjønt forskjellen på natt og dag, og godt er det, så nettene går rimeleg greit. Dagane, derimot, er litt meir trøblete (det vil nok provosere dei som verkeleg har opplevd trøblete dagar at eg brukar det om min situasjon - de får ta det med ei klype salt : ) Amminga tar min 2 timar pr gang, og lurane i mellom vert mindre og mindre. Etter at eg har tatt meg ein lur, er det lita tid att til andre ting, som hagearbeid, blogging og husvask...

Men; fekk tatt nokre bilder på terrassen "hin dagen", så her kjem litt glimt frå terrassen mot midten av juni...

Under er status på leveggprosjektet. Det som står att øverst skal kledast med sprinkler, ikkje kledning, for å unngå litt virvelvind på "lesida". Trur det blir finare og med noko som bryt veggen litt.

Det var hagestatus, delvis. Elles har mesteparten av det som er av fritid gått med til dåpsførebuing. Me skal ha dåp for vetla i helga og eg har laga bordkort med litt attåt, og tråla butikkar på jakt etter matchande pynt. Bilder følger seinare, kan ikkje røpe det for gjestane enda : )

Ha ei flott veke alle saman!

Deilege hagedagar!

2009-06-06T20:34:00.003+02:00

Det har blitt litt jobbing i hagen i det siste - ikkje noko alvorlege greier, men litt pusling. Først og fremst var det på sin plass med litt skikkeleg vatning. Har nesten tatt knekken på Irisen som sto og hang med hovudet der ute. Det har vore så mykje vind i det siste at det ikkje har vore spesielt fristande å gå ut. I går roa det seg imidlertid litt, og ikkje overraskande synte det seg at krukker og bed hadde tørka ut...

Eg fekk og rydda opp i tulipan og diverse løkettervekstar som har "rota til" bedda etter at blomstringa var over. No er tulipanløkane tatt opp, og bedda er raka og rydda. Ellers har jordbæra fått litt etterlengta stell (dvs basisgreier som gjødsel og vatn...), og i morgon har eg tenkt å renske litt opp i åkeren. Litt fristande å la "villplantane" stå (dei som har stukket av frå morplanten) da dei er store og fulle av blomster, men eg veit ikkje heilt. Trur dei største skal få vere i fred - meir jordbær til folket!

Til slutt, eg har kjøpt 2 cherrytomatplanter og ein plommetomatplante som må i jorda i morgon, samt ein jordbærrabarbraplante som treng plass til å utfolde seg, så da er dagen fyllt opp tenker eg. I alle fall om ein legg til amming kvar tredje time og ugrasluking i ørten bed : ) Min bedre halvdel tenker å ta seg ei økt med leveggande, så me får sjå kva morgondagen bringer.

Ha ein fin laurdag vidare!

Glimt i slutten av mai

2009-06-03T21:16:00.003+02:00

Orientvalmuen er på veg ut av skalet : )

Duppesoleie (er det det dei heiter?) mengar seg med Arenspira.

Og den vakre Pionen står i full blomst. I alle fall på den eine planten, den andre står enda berre i knopp, og den ser mørkare ut. Er spent på å sjå kva slags farge det er på den - er første gang dei blomstrar!

Før og no

2009-05-29T11:35:00.004+02:00

Som ferskt hagemenneske med ein fersk hage, er eg opptatt av utvikling. Eg skulle gjerne hatt ein "gammal" hage med ein gang! Her er før og no bilder for å minne meg på at det skjer ting, om ikkje så fort som eg skulle ønske : )

Beddet ved inngangen i fjor, rundt 20.mai...

...og i år (slutten av mai).

Skråningen i nord i fjor...

...og skråningen i år.

Det spirar og gror, tydelegvis. Får slå meg til ro med det : ) Har likevel ikkje gitt opp draumen om ein stor gammal hage ein gang...

Litt farge i kvardagen

2009-05-27T11:48:00.002+02:00

Etterlengta hagedag

2009-05-26T18:27:00.003+02:00

Fram til nyleg har det vore svært begrensa kva eg har kunna gjort i hagen (eller andre plassar for den del). Stor mage og tilhøyrande bekkenløysning har satt ein effektiv stoppar for dei heilt store utskeielsane : ) Men no er magen (nesten...) vekke, og bekkenløsningen like så (nesten : ), så da kan eg endeleg tenke hage igjen! Først ute når me fekk sjansen var å plante i trekanten på nordsida.

Der står no eit lite syrintre frå sørsida, samt ein oppstamma kuletuja og ei lita hengeselje som har stått i potter utanfor inngangen. Syrintreet hadde vorte for stort der det sto, og dei to andre trengte sårt å få meir plass om røtene (pluss meir vatn sidan eg lot dei tørke alt for ofte. Forann står ulike Hebe-variantar.

I ei av pottene som vart frigjort planta me ein Buksbom som trengte større plass...

...og i den andre ein Vrihassel i følge med nokre tulipanar på hell.

Andre prosjekt står i kø. Ingen store, det har eg forutsett at kanskje ikkje er så lurt, men nokre små blir det no. Kjøkkenhageprosjektet er pågåande og skal utvidast. Til no er det sitronmelisse, timian og grasløk i to potter, gulrøtter og sukkererter i ei (vetla sitt prosjekt), og så er det tre store potter igjen. Der tenker eg å ha kvitlauk, salat, anna lauk av eit eller anna slag, salat og rabarbra. I tillegg vil eg ha tomatar i amplar som eit forsøk. Og da er det berre å gå laus på bleiene : ) (Sjå på Moseplassen for dei som ikkje har fått det med seg!)

Da var ventetida over...

2009-05-15T20:01:00.002+02:00

Kl 0813 den 13.mai 2009 kom denne, foreløpig namnelause, skjønningen til verda. 2 veker før tida, men fullt på høgda likevel :) Ho vog 4120 g og strekk seg 52 cm frå hovud til tå.
Eg viser normalt ikkje bilder av barn, men dette er eit hederleg unntak. Under den stolte storesøstra.

Helsing ei glad og takknemleg nybakt tobarnsmamma!

Tulipanmassakren

2009-05-10T11:29:00.005+02:00

Det har blåst fælt her dei siste dagane, og det har gått hardt utover dei stakkars tulipanane...

Nokre var det heldigvis som hadde overlevd : )

Og for dei andre, vel, det fins jo eit liv etter døden!

Ha ein strålande søndag alle sammen!

Redebygging

2009-05-08T11:00:00.004+02:00

Her tenkte sikkert mange det ville komme bilde av ein fugl som dreiv med redebygging, men den gang ei : ) Det er meg som er i gang med det. Eg har nett byrja med permisjonen, og endeleg er det tid til å ordne til og forberede seg til familieforøkelsen! Det er rydda plass i skuffer og skap, babyklær er vaska, og vogn-vasken er i gang. Tenkte å ta ut sprinkelsenga og spyle den, men ute er det eit forrykande ver! Har ikkje sett maken på ei god stund... Heile huset vert rydda (GRUNDIG) og vaska, og dei siste innkjøpa er, om ikkje gjort, så planlagt : )

Det er utruleg deileg å endeleg vere kommet til dette punktet da permisjonen er i gang, men det enda (kanskje) er ei stund igjen til fødselen. Treng å innstille meg på det som skal skje, for fram til no har eg rett og slett ikkje hatt tid til å tenke på det. På mandag skal eg på kontroll på KK for å gjette vidare på kor stor den vetle blir. Veit ikkje heilt kva eg skal håpe på for å vere ærleg, men det er unekteleg litt spennande å tenke på at eg kanskje kjem frå kontroll med ein dato for fødsel... Det er heldigvis ikkje eg som skal ta den avgjerdsla!

Under er far og datter i full gang med make-over av soverommet hennar. Tenkte me måtte gjere litt stas på ho og, så det ikkje berre blir baby-greier framover. Ho har kommet meir over i den rosa fasen, og som de ser var rommet relativt grønt... Ho hadde eit stort grønt blad over senga si, men det var allereie skrudd ned då bildet vart tatt (eg kom litt for seint på å ta "før-bilda" : )

Slik ser det ut etter. "Telt" over senga, som ho seier, hyller som matchar senga, gardiner som matchar sengehimmelen, blomsterlampar og rosa teppe - ikkje minst! Me måtte og ta inn utebordet hennar slik at ho kunne ha teselskap med det nye serviset sitt frå Ikea (veldig robust og skjønt).

Up close and personal

2009-05-03T08:34:00.003+02:00

Eit lite knippe vårblomster (og blad : ). Perleblomst, tulipan (som eg ikkje kjem på navnet på i farten), Dvergslirekne (Bistorta polygonum), Bølgebladlilje (Hosta undulata 'Mediovariegata'), Gravmyrt (Vinca minor?) og Hjertebergblomst (Bergenia cordifolia).

Levegg - så mange valg...

2009-05-02T10:15:00.005+02:00

Gårsdagen kom med strålande ver og sterk vind som ofte er tilfelle når det er fint ver her (tulipanane over minnar litt om trærne i Danmark etter den hardhendte behandlingen). Dermed vart det ei opplagt oppgåve å setje i gang med leveggar på sørsida av huset. Me kom ikkje så langt før sambuaren måtte på jobb, men litt er på plass.

Her mot aust. Me får ein liten utfordring med å få den til å ende opp mot berget i flukt med naboens levegg, men det skal nok gå på eit vis.

Her mot nabo i vest. Me har endt opp (etter å ha irritert oss veldig over vinden : ) med å satse på levegg heile vegen med ei dør inn til trampolina. Den skal sjølvsagt ikkje vere like høg heile vegen!

Me har ikkje bestemt oss for kledning på leveggen. Over har me funnet eit alternativ...

...og enda eit. Har ikkje heilt bestemt oss. Begge bilda er henta frå Internett, men har gløymt kor det siste er frå. Mykje dei samme bilda som går igjen hos dei ulike butikkane : )

Skal bli veldig kjekt å få dette på plass, og når me så finn litt skygge til terrassen og, er me klar for sommaren med baby!

Ha ei strålande helg alle saman!

No og då

2009-04-29T18:30:00.004+02:00

Eg har sett på bilda frå i fjor på denne tida, og jammen er det til tider store forskjellar. Noko på grunn av at ting er flytta rundt sidan da, sjølvsagt, men og mykje på grunn av den tidlege våren me har. Nokon av plantane (spesielt Pionane) har nok og fått hjelp av at dei trivst så mykje betre der dei står no.

Beddet langs berget på sørsida i år (i dag)...

...og for 1 år sidan (30.april). Pion lengst til venstre.

I dag...

... og 5.mai (beddet var ikkje planta på denne tida i fjor : )

Og til slutt beddet langs veggen på sørsida (Pionen står mellom rosene, LITT større i år - og med knoppar!) - i år...

...og i fjor. Det har da skjedd litt, ja. Må seie eg er meir fornøygd med det i år : )

Litt av kvart - dagens fotofangst

2009-04-28T20:33:00.004+02:00

Eg pleier ikkje ofte ta bilder på nordsida av huset. Dette har mange grunnar, det er ned mot vegen og alle naboane (som kanskje syns det er litt merkeleg at eg til stadigheit fotografere dei skarve buskene mine : ), det er ikkje så masse som skjer der (undersolt og mest vintergrønne vekster) og så har det vel med kor me oppheld oss mest, nemleg på sørsida. Litt er det likevel der nede, og her er litt fra dagens fotorunde.

Vrihasselen står enda i ei lita potte, men skal snart plantast i ei større - må berre plante ut det som står i den større potta.. Men den er no artig å sjå til no og, ja! Hekken er kommet i jorda, og no vatnast og gjødslast det for å få den til å skyte fart. Må nok vente litt før den har den heilt store skjermingseffekten, men gler meg no først til at knoppane skal bli blad og gjere den litt grønn.

Desse bilda er frå beddet ved inngangen, som bortsett frå tidleg om morgonene og seint på kveld, aldri ser sola. Men det ser ikkje ut til å plage bebuarane nemneverdig, dei trivst foreløpig bra. Ventar på at bunndekkarane skal gjere nettopp det slik at kattane sluttar å kvesse klørne på barlinden...

Måtte til slutt ta med litt frå livets solside og, tulipanane har byrja folde seg ut, og min vetle oppstamma blodrips er (antakelegvis) på sitt vakraste : )

Med dette vil eg ønske alle ein strålande kveld vidare!

Våren på vestlandet - status part II

2009-04-26T10:30:00.004+02:00

Ha ein strålande søndag!

Våren på vestlandet - status

2009-04-24T20:02:00.004+02:00

Kjøkkenhagen - den spede byrjinga

2009-04-22T09:30:00.003+02:00

Kjøkkenhagen vert av den komprimerte sorten inntil vidare, som nevnt, og no er eg så smått starta. Eg har no redda sitronmellisse og noko eg trur er timian over i større potte og betre jord. Ser skralt ut no, men håpar dei "tek seg" etterkvart.

Enda eit redningstilfelle - graslauk. Denne var det vel ikkje akkurat kritisk for, trur dei klarer seg under nesten alle forhold, men no får den i alle fall utfolde seg som den vil : ) Hadde to tuer til, men utelot dei med hard og kynisk hand då det vaks løvetann midt i - og den er ikkje lett å fjerne har eg etterkvart erfart!

Til slutt: Ranuklane er komne i jorda (eller på bildet ventar dei på å komme i jorda, men pytt sann), så no ventar eg spent på spiring. Har aldri hatt dei før, så det skal verte artig å sjå om det går bra... Ellers så er me litt delt mellom inne og uteprosjekt for tida. Hekken er ikkje kommen i jorda, men første strøk er derimot malt på siste soverom og gang i underetasjen. Planen er å ta andre strøk pluss fondvegg i dag. Sjølv om eg helst ser at det skjer ting ute no for tida, så skal det verte veldig godt å få ferdig desse romma. Når dei er klar, så kan me gjere endeleg i stand gjesterom, samt flytte kontoret ned. Dermed vert rommet til det kommande familietilskotet ledig, og det kan gjerast klart. No skal nok ikkje den vetle på eige rom heilt med ein gang, men det er greit å ha ein base for ting og tang - og klær ikkje minst! Og så har det nok litt for seg med tanke på mental førebuing. Må seie eg ikkje heilt er førebudd enda : )

Men no; kaffi, litt tasting og så (kanskje) maling!
Ha ein strålande dag alle bloggarar!

Litt seinare på dag

2009-04-19T16:20:00.004+02:00

Då var neste "byggetrinn" på plass nordom huset. All jorda er fordelt og skal få ligge å synke litt før me plantar resten av hekken (-tidligare nevnte stykke mot aust..). Me må nok supplere litt med hagesenter-jord for å fylle opp trekanten, og så kan det plantast litt her og der.
Forutan hekken skal det komme litt busker, trær og grønt i trekanten - gler meg til det vert litt meir "liv" der nede! Og så må me gruse slik at det kjem på nivå med hellene.
Til "svingen" må me få tak i ein benk (noko som står støtt i vinden : ) og der putekassen står tenkte eg å plante ein klatresak. Det ser noko grått og trist ut på bildet, av fleire årsaker, men det er faktisk sol der til ca klokka 14, og så kjem kveldssola att der på kvelden, så trur det kan vere kjekt med ein sitteplass der.

Elles har eg fått rydda opp på terrassen òg i dag, så er godt fornøygd med framdrifta : ) No tenker eg å slappe av resten av søndagen medan vetla og sambuaren tar ein tur på besteforeldre-besøk - litt godt med aleinetid av og til, og ikkje mindre godt etter at magen vart stor som eit fjell : )

Ha ein strålande søndagsettermiddag folkens!

To be continued...Hekkprosjektet

2009-04-19T09:45:00.003+02:00

Om eg er noko begrensa sjølv for tida, så betyr ikkje det at det ikkje skjer noko. Min betre halvdel har køyrt stein og mold til den store gullmedaljen i det siste, og no nærmar det seg ein (foreløpig) avslutning. Tenker det vert hekkplanting i dag : ) Hekken på austsida skal fortsette på nordsida og svinge inn mot inngangen. Der vil det bli eit trekantforma bed for å få ein overgang til kanten mot skråningen. Det er veldig lite graving igjen (ein liten flik av trekanten), og så må det lagast ein liten murkant der det står igjen før me kan fylle i resten av jorda. Er litt usikker på kva som skal i beddet, trur kanskje eit syrintre, hengeselja utanfor inngangen og muligens kuletujaen havnar der (litt usikker på om den tåler vinden) + litt småplukk sjølvsagt.

I og med at me bur i eit byggefelt med naboar på alle kantar, så må ein jo nesten ta litt hensyn. Me må derfor vente litt med med eit stykke hekk på austsida til me veit kva dei har tenkt å gjere i skråningen. Får nesten plante ut hekken som skal vere der midlertidig ein plass, litt dumt om den vert mindre enn resten av rekka.

Dagen i dag ser ut til å verte strålande, så alt litt til rette for ein bra dag i hagen : )

Litt utlevering...

2009-04-15T19:58:00.004+02:00

Må vise dykk eit bilde av kva som møtte meg ein tilfeldig morning. Trøtt og i litt dårleg humør for at natta ikkje hadde vore av den lange sorten, fant eg dette på frukostbordet: Effektiv måte å snu morgonen på må vite : ) No er det ikkje fint å utlevere den del av privatlivet som involverar andre, men eg tenkte dette var eit unntak som bekreftar regelen. Om andre får vite for ein kjekk kar eg har vore så heldig å finne, så kan ikkje det vere så ille... ; )

Resten av historien er forresten at eg, ved eit reint slumpetreff, hadde kjøpt hjertesjokolade på Kremmeriet dagen før, og skreiv lapp til han i bilen saman med ein slik sjokolade før eg gjekk på jobb samme dag. Han stussa litt på korleis i alle dagar eg hadde klart å skaffe hjertesjokolade på så kort varsel....

Humlens flukt...eller?

2009-04-13T19:42:00.004+02:00

Det summar ein del i hagen for tida. Og det stemmer at det er humler, men dei er knappast i flukt. Denne har funnet seg ein av dei få krokusane som er nokon lunde heile enda. Dei fleste har skrumpa inn og gitt tapt for alle variantane av påskeliljer.

Under har Lungeurten byrja å blomstre. Er like fascinert over alle dei nydelege fargane saman kvar gang. Håpar den sprer seg ein heil del!
Slik såg den, foreløpig så skrale, hekkskråningen ut etter påske. Hekken er ikkje mykje å skryte av så langt, men det var kommet nokre få fargeklattar her og der : )

Rosenrota kjem med nye knoppar...

Peonen har vokse ein heil del denne veka, og ser no slik ut. Er veldig spent på om den kjem med blomster i år. Eg har flytta den begge dei to andre åra, men i år så kanskje...

Og til slutt: vart veldig glad for å sjå at min oppstamma blodrips endeleg fant det for godt å få blomstrar, eller...blodrips. Den har fått litt hard medfart skal eg innrømme, men no har den endeleg tilgitt meg tidlegare synder og kjem med masse blomsterknoppar : )
Påsken har me tilbrakt i Sogn, og me har kost oss som me pleier å gjere når me er der. Tida har gått fort, og som den pleier å gjere når me er der, og no er kvardagen tilbake. Litt dagdraumer har me likevel tatt med oss, for dei vil me ikkje sleppe så lett...

Påskefri

2009-04-09T11:10:00.003+02:00

Det er lite som skjer på bloggen no i påska. Me er godt inni ferie (har hatt fri desse "inneklemte" dagane), og slappar av og kosar oss med familie. Veret er over all forventning, kanskje mest sidan forventinga var regn og atter regn... Men det er stadig gløtt av sol, og temperaturen er rett som det er ganske behageleg.

Vil berre ynskje alle god påske, og så kjem eg sterkare tilbake - utkvilt og klar til siste innspurt (før permisjon altså) - etter påske!

To do (or not to do...)

2009-03-30T21:37:00.002+02:00

Ei lita huskeliste for meg sjølv over ting som må gjerast etter påske:

Etter påske - plante resten av hekken
Etter påske - plante Ranuklar
Slutten av april - plante vintergrønt mot aust
Begynnelsen av mai - plante Erteblomster (ute)
Mai - plante tomatar, salat og løk (stiklingar)

Handleliste:

Vintergrønne plantar til austskråninga
To krukker til Erteblomstrane
Krukker til Ranuklane
Stiklingar tomat, salat og løk

Har ikkje dei heilt store ambisjonane i år, ser for meg det blir mest kos og avslapning på terrassen i ledige stunder : )

Utstyret må være i orden...

2009-03-30T17:59:00.003+02:00

Eg prøver å vere tolmodig for tida, men det er neimen ikkje lett! Utruleg frustrerande å sjå på alt eg kunne tenke meg å gjere, utan å sjølv kunne gjere det. Er avhengig av at sambuar utfører planane eg pønskar ut (for meg stoppar det etter 10 minuttar med grusraking...), og sjølv om han ikkje er vanskeleg å be, så er det så mykje han skulle gjort når han ikkje er på jobb.

I går starta han å grave "grøfta" til hekken som skal fortsette langs kanten av skråningen på nordsida. Me kjem nesten heilt i mål, men eit lite stykke mot aust må avventas litt, må sjå kva naboane har tenkt å gjere. Det går unna når han set i gang, og nesten heile langsida er gravd opp.

I dag klarte eg ikkje å holde meg lenger, og gjekk til anskaffelse av ein Vrihassel (Corylus avellana 'Contorta'). Vil ikkje plante den ut, men skal ha den i potte. Syns dei er så artige, og så er dei jo veldig dekorative på vinterhalvåret og. Eg kjøpte meg også nokre svære potter til den kommande kjøkkenhagen (vert ein litt midlertidig løysning), ei rosa (?!) beskjæringssaks og eit rosa kneunderlag. Til slutt måtte eg ha ei korg til hagereiskapane, og falt for denne saken under:
Tenkte først rosa ikkje var heilt min stil når det gjaldt slike ting, men slo til likevel av praktiske årsaker: Dei vil ikkje forsvinne like lett blant mold og grøne blad som dei svarte eg har frå før!

Ellers er det berre 4 dagar att til påskeferie, ute pøsregnar det og inne går det i Mikkes klubbhus. Ha ei strålande veke alle sammen!

Steinvasking og nydeleg vèr!

2009-03-29T09:53:00.004+02:00

Gårsdagen var heilt utruleg flott med sol og blå himmel frå start til slutt. Den vart brukt til blant anna sykkeltrening, grusraking, jordhaugaking (berre så det er sagt så sto vetla for ein del av desse aktivitetane!), og vasking av stein. Ingen skal seie me møter våren uforberedt!

Og dagen i dag ser ikkje ut til å stå tilbake for gårsdagen i det heile tatt - ha ein strålande søndag alle sammen!

Status - våren ved vestlandskysten

2009-03-25T15:23:00.004+01:00

Denne tida gjer så utruleg mykje for humøret, - i alle fall mitt som er så lett påvirkeleg for tida : ) Det er lyst når ein går på jobb, og lyst når ein kjem att. Ute er det fullt av høglydte ungar, og til og med dei vaksne byrjar å krype ut av "holene" sine.

Og så spirar og gror det! Slik ser Pionanen ut for tida..
...og Kaprifolen er i full gang.

Lungeurten knoppar seg.

Og til slutt, Krokus og påskeliljer høyrer til for at vårkjensla skal komme for fullt.

Over til ein annan sak. I fjor haust planta me sjølvproduserte stiklingar av Liguster til hekk på austsida. Eg var veldig spent no på vårparten om dei hadde klart seg. Nokre hadde bukka under, men veldig mange hadde klart seg. Eg er imidlertid ein utolmodig sjel, og då eg såg at nokre ville måtte byttast ut, kjøpte eg like godt fullt sett med barrotsplantar hos Bo'Grønt. No er dei komne i jorda, og dei er klipte til halv lengde (nesten, må ta litt til..). Håpar dei veks fort : ) Ellers er det, som de ser, mykje ledig jord langs hekken. Eg er ikkje heilt sikker på kva eg skal plante der, men heller litt mot noko vintergrønt med nåler... Får pønske litt på det.
Sjølv om min del av hekkplantinga besto av å trakke rundt planten, og så rake over jorda, så var ryggen totalt ødelagt resten av den kvelden. Utruleg frustrerande å merke sine begrensningar på den måten. Men eg får berre smøre meg med tolmodigheita eg ikkje har, og ta det med ro. Det lønar seg vel i det lange løp...

I og med at eg og sambuaren min går med litt gryande tankar om at dette kanskje ikkje vert ein veldig langsiktig heim for oss, så har mine hageplanar endra seg veldig sidan i fjor. No er målet å få det fint rundt heile huset, men draumehagen min får vente. Sambuar er jo happy for dette, men eg må stadig ta det i meg når tankane tar av med store planar. Før eller seinare skal eg få meg ein stor hage på ein plass me ynskjer å bli - og da!!!

Square Foot Gardening

2009-03-22T19:28:00.005+01:00

Eg såg nettopp på Grønn Glede (nokon fleire?), og det viste seg å vere reprise. Burde vel eigentleg ha tenkt det sidan me er i slutten av mars... Men i alle fall, så vart eg nok ein gang minna på at eg har lyst på ein kjøkkenhage - ein eller annan gang. Eg har innsett at det kan bli ei stund til (av fleire grunnar), men det er jo ingen hindring for å gjere litt research! Fant denne sida på nett:

http://www.squarefootgardening.com/

Har ikkje satt meg veldig godt inn i det, men det skal visstnok være ein veldig effektiv måte å dyrke kjøkkenhage-plantar på (og andre slik eg forstår det). Eg samlar det under ein ny tag - Kjøkkenhage, så får eg sjå kva andre smarte tips eg kjem over før det er tid for iverksetjing : )

Her er eit par bilder henta frå sida over, falt litt for den opphøga varianten, den kunne funka midlertidig på terrassen i sommar når eg tenker meg om....

Noko å sjå fram til

2009-03-18T20:28:00.004+01:00

..Og då sjølvsagt i tillegg til alt det andre me har å sjå fram til i tida som kjem : ) Me har i dag betalt depositum på ein 15-dagers tur til Maspalomas på Gran Canaria. Hotellet heiter Dunas, og det vert vår første syden-tur med barn på laget. Litt spent på det, må eg innrømme! Det er ikkje før i slutten av oktober me fyk avgarde, så det er plenty med tid til å glede seg, planlegge, stresse, bekymre seg osv. Vetla har sett videoen frå hotellet eit ukjent antall gangar, og me er alle rimeleg lei av "Your Song" i ugjenkjenneleg sydendrakt. Trur det vert veldig kjekt!

(Bilda er henta frå www.startour.no)

Men først ser eg fram til eit nytt tilskot til vår vetle familie, ein (forhåpentlegvis) deileg sommar og masser av tid med dei eg er glad i!

Ha ein strålande kveld!

Såååå stor...

2009-03-17T19:27:00.002+01:00

...har krokusen blitt! Våren er så absolutt på frammarsj, og godt er det. Eg merkar eg vert meir og meir utolmodig på jobben. Gler meg til permisjon ja, og enda er det lenge att. 7 arbeidsveker for å vere eksakt. Det er tungt for tida, magen har òg blitt stor (ikkje berre krokusen altså), og bekkenløsningen legg ein ein liten dempar på aktiviteten. Buksene strammar, og eg nektar å kjøpe fleire mamma-klær. No vil eg berre få det overstått og kvitte meg med alt sammen. Det kjem litt meir snikande denne gangen enn forrige gang eg var gravid. Det er eit anna tempo både på jobb og heime, og det vert ikkje via på langt nær så mykje oppmerksomhet. Har til dømes enda ikkje tatt noko magebilde. Me har heller ikkje tenkt på navn (sjølv om Startour har døypt ho Stine...). Men me vert vel klar denne gangen og - velkommen er ho i alle fall, om ikkje alt er så gjennomtenkt i forkant : )

Krokusen er forresten ikkje heilt aleine i beddet. Ei og anna snøklokke (er det det den heiter?) er og å finne. Eg har ikkje planta dei, så det er slike som har fulgt med andre plantar. Men kos er det når dei dukkar opp okke som!

Og til slutt i dagens skriblerier, denne her saken. Er veldig spent på om dei klarer seg. Den eine er litt slapp (har to på veggen på sørsida). Har latt dei henge gjennom vinteren i små-små potter, og dei har ikkje fått vatn... Føler meg litt slem no når eg skriv det. Den innerste har fått minst av regndrevet, og heng altså litt med hovuda, den andre har skifta farge. Dei skal vere veldig tørketålande, men det er kanskje grenser. Vel, det finn eg vel ut i løpet av våren og sommaren : )
No er det på tide å få vetla i seng (ho har gjespa i fleire timar no, men nabojenta ville ikkje heim : ), og så er det kvelden.

I gamle arkiv...

2009-03-15T21:45:00.005+01:00

Sit og dillar litt med bilete frå svunne tider, og så tenkte eg at kanskje eg skulle bruke nokon av dei innimellom. Litt tilbakeblikk på ein måte... For å sparke det i gang, kva kan vere betre enn nettopp eit blikk - tilbake, eller fram alt etter som (tatt i september 2003)

Ha ei fin veke - full av gode augeblink!

Og der var hagesesongen 2009 offisielt i gang!

2009-03-14T15:25:00.003+01:00

I dag skulle eg egentleg ein tur i butikken for å kjøpe litt småplukk til eit syprosjekt eg er i gang med. Og så, vel så viktig, skulle eg kjøpe kvitvask til vetla som er midt i ein vannkopprunde. Ho byrjar bli bra att i ansiktet der det starta, men klør veldig rundt handledda, der blemmene kom litt seinare. Vel, det var planen, men så kom sola... Det vart rett og slett for fristanden å ta seg ein tur ut i hagen. Og så er det gjort, eg satte i gang å rydde bed. Skulle berre ta litt i eit av dei før eg tok ein tur i butikken, men plutselig hadde eg tatt alle bedda på sørsida, gitt! No var det ingen nåde, eg fjerna granbar, det vetla ugraset som var og klipte ned visne staudar. Til slutt strødde eg litt gjødsel på. No gjenstår påfyll av jord, og opprydning av krukkene.

I beddet under tok eg sjansen på å flytte lyngen, som før sto veldig nær buksbommane, og så flytta eg like godt buksbommen nærmast hjørnet. Den har irritert meg litt pga at den sto litt "skeivt i forhold til dei andre og hjørnet.

Til slutt, ei av krukkene eg ikkje gjorde noko med. Her spirar krokusen og nokre påskeliljer (trur eg). Skal verte kjekt når dei får blomster!
No er eg inne att. Ute regnar det, og eg er svært fornøygd med dagen. Bortsett frå at vetla manglar kvitvask... Kanskje det må bli ein liten tur til butikken likevel...?

Søndagssysler

2009-03-08T19:35:00.002+01:00

Blir nesten som det berømte EFIT det her : ) Har shoppa litt frø til våren! Er klar over at eg kjem til å ha nok med å nå over det mest elementære denne våren, men litt måtte det bli. Litt fargeklattar; Ranukler, Erteblomster og Karse.

Karsen kom i jorda, eller i bomullen rettare sagt, med ein gang. No ventar vetla spent på å sjå kva som skjer...

Me gjekk, og vetla sykla (på ny sykkel med støttehjul), til skulen som ligg eit lite stykke unna. Der er det ei stor sklie, og jammen hadde ikkje nokon lagt at ein rocke-ring og!

Eg fant endeleg ein måte å oppbevare alle dei utklipte oppskriftene mine i dag. Dei havna i ein A4-perm med plastlommer som eigentleg vart kjøpt for å lage permar til besteforeldre med utprinta datascrapp-sider. Det vart ikkje noko av i den forma, men no fekk dei endeleg gjort nytte for seg : )

Etter å ha plassert så mange oppskrifter, vart eg litt inspirert. Dermed vart det fylte rundtstykker (byrja som horn, men det balla på seg...). Nam!
No er vetla nydusja, og leggeritualet er i gang. Eg har lova å synge ein sang til ho når dei er ferdige å lese. Det ser forresten ut til at ho har fått vannkoppar, så me har nok to "heime-med-sjukt-barn"-veker forann oss. Det byrja med ei "kvise" ved munnen, men no har det kommet fleire prikkar i ansiktet og eit par på rygg og mage. Like greit at ho vert ferdig med det!

Ellers må me prøve å legge ferdig permisjons-ferie- og fedrekvotekabalen i kveld. Ein skal vel eigentleg levere to månadar før, og det var i går..

Det var den helga, no er det snart klart for ei ny veke. Men først skal me nyte det som er att av søndagen! Ha ein fin kveld alle sammen!

På jakt etter våren

2009-03-07T09:56:00.004+01:00

Endeleg er det på tide å kikke etter vårteikn i hagen. Har nok vore her ei stund, men det er først no eg har tillatt meg å sjå etter dei. Skulle eg ha byrja før ville ventetida til eg kunne "setje igang" bli for lang : ) Under har Blodripstreet byrja knoppe seg.
Desse gule her er eg litt usikker på. Ikkje typisk vårblomst trur eg, og så kjenner eg ikkje att blada, så det ver spennande å sjå...

Til sist er det krokusane. Har ikkje tenkt å fjerne beskyttelsen heilt enda, men må jo passe på at dei ikkje blomstrar mens dei er skjult av granbaret.

I dag tenkte eg å få kjøpt inn litt jord til eg skal til med opprydningen ute. Treng nok å etterfylle jord her og der. Ser ut til at det blir ein fin dag i dag (etter eit aldri så lite tilbakefall med snø i går), så eg trur eg må ut å finne eit eller anna å byrje med!

Tenkte forresten å lage med ei hagedagbok i år - altså ut over denne bloggen, ei "orntli" bok. Nokon gode tips til kva som kan vere med der? Tenker å dele inn i sesongar, skrive litt om kva som bør gjerast til dei ulike tidene, og kva som faktisk vert gjort. Vidare så blir det vel litt om kva eg gjer i hagen, når ting blomstrar og kva stell dei får. Tenkte og å ha eit lite oppslag bakerst med dei plantane eg har i hagen, kva stell dei vil ha osv.

Ha ei strålande helg!

Vår!!!

2009-03-02T17:57:00.004+01:00

Da er det offisielt vår i henhold til det eg syns å minnast frå o-fag på barneskulen. Mars-april-mai = vårmånadar. No er det slett ikkje uvanleg at det snør langt inn i mars, og at det treffer på i april (men det er vel heller sjeldan...), men like fullt - det er VÅR! Eg har vore ute (i bitandene kald vind) og raka i barken i skråningsbeddet, har klipt nokre uttørka greiner av selja ved inngangen, og har planta ut løk (og, nei, ikkje av den sommarblomstrande sorten, men alt må prøvast). Eg veit innerst inne at det er litt i tidlegaste laget, men no kriblar det i fingrane etter å ta tak i hagen att. På grunn av kvalmen i haust, så har eg ein del rydding og skjæring foran meg, men eg gler meg som ein unge til å sette i gang. Til helga trur eg eg må byrje så smått med litt rydding og forberedelsar. Dette er ting å gjere i mars:

Rake over grus- og barkkledde område og etterfylle om naudsynt
Dekke til åpen jord med kompostjord eller anna dekkmateriale
Beskjære busker og trær (ikkje vårblomstrande)
Så sommarblomster
Gi frukttre og bærbusker gjødsel og jorddekke

Då har eg litt å starte med før ting set i gang for fullt. Fleire som kriblar etter å ta fatt? : )

Scrapping in spe

2009-02-26T19:49:00.003+01:00

Eg er veldig nybegynnar i scrapping, og sjølv om det er litt pinleg, tenkte eg å legge ut nokre LO'ar etter kvart sjølv om dei er veldig i prøvefasen. Tenker det kan vere litt artig å sjå utviklingen som forhåpentlegvis vil komme...

Bokstavane og "swirlane" på den siste er forresten kutta med min nye digitale kuttar - er veldig fornøygd med den så langt!

Givande dag på legesenteret

2009-02-24T13:32:00.002+01:00

Da er eg tilbake frå ein lang dag på legesenteret. Det byrja med at jordmora syns eg hadde eit vel stort symfyse-mål, og satte opp kontrolltime hos lege med tilhørande glykosebelastningstest. Eg las litt om det på forhånd og vart kvalmare og kvalmare berre ved tanken. Ein skal drikke ei blanding av druesukker og vatn, vente i 2 timar og så måle blodsukkeret. Dette for å sjekke om det er svangerskapsdiabetes (da blir visstnok babyane ofte store). Eg troppa opp og fekk i meg skvipet - det gjekk over all forventning (kan vere smart å ha SVÆRT lave forventningar : ), og satte meg så for å vente i 2 timar - KJEDELEG!
Omsider var det tid for legetime, og då ho målte symfysemålet, så låg det godt innanfor det grønne området, altså normalen. Grunnen til at jordmora starta heile dette styret, var at eg låg 3 cm utanfor det grøne området. Legen meinte at det måtte ha skjedd ein feil enten i målinga, eller då jordmora merka av i skjemaet. Så, enden på visa vart at eg skal inn om 2 veker for å kontrollere at veksten ikkje har FLATA UT. Snakk om snuoperasjon. Og, ja, resultatet av glykosebelastningstesten var heilt fin : )

Myspace

2009-02-23T19:41:00.003+01:00

Rett før helga vart sambuar sendt til Ikea med eit oppdrag: Kjøpe Alve skatoll. Heldiggrisen : ) Laurdagen gjekk heile formiddagen med til å skru det sammen - masse puttel! Ikkje den kjekkaste måten å tilbringe ein laurdag på, men eg var veldig fornøygd...
...for dette var resultatet: Min eigen plass til å drive med scrappinga mi. Og når eg er ferdig er det berre til å lukke dørene. Er blitt veldig glad i "myspace" allerede! Før følte eg at eg måtte produsere ein del når eg først henta fram alt utstyret, og slikt blir det hastverksarbeid av. No kan eg lage litt på ein LO, for så å ta den igjen neste dag, - eller veke for den del. Me like!

No er det altså berre å ta fatt på alle dei ideane som står i kø - men eg har god tid!

Ha ei fin veke alle saman!

Color me happy

2009-02-20T21:01:00.002+01:00

Eg har, som mange andre (håpar eg, eller ikkje...?), ein tendens til å fokusere forholdsmessig meir på ting eg er misnøgd med enn det eg har å vere takksam for. Eg skal ikkje seie "no more", men å bruke eit innlegg på å snu fokus litt kan jo vere på sin plass. Så; utan meir prat, her er lykke-lista mi pr 20.februar 2009 - dette (blant anna) gjer meg lykkeleg:

Å hente vetla i barnehagen, bli møtt med eit stort smil med tilhøyrande stor klem og høyre ho fortelle alt dei har gjort på den dagen med begeistra stemme
Å finne kjøkkenet strøkent uten sjølv å ha "strøket" det
Å sjå ein god film skulder mot skulder med mannen i mitt liv
Fersk avis, ein god kopp kaffi og fred og ro ei stund : )
Tid til hobbyar
Sol og fint ver
Artig lunsjprat med gode kollegaer

Og masse meir! Dette er små hendelsar i kvardagen som gjer meg glad, og dette skjer jo rett som det er! Om ein ser enda større på det, så vert det jo så innlysande at ein ikkje skjønnar korleis ein kan ha ein negativ tanke i hovudet: Eg har verdas beste jente med mannen eg elskar, og me ventar på verdas beste jente nr 2. Me har flotte familiar på begge sider som stiller opp. Eg har gode vener som eg trivst saman med. Me har eige hus, opp til fleire (enn 1) bil(ar), trygge jobbar ( i alle fall så vidt me veit) - så langt jobbar med andre ord finanskrisa FOR oss, for å seie det slik. Eventuelle slangar i paradis vert for gummislangar å rekne!

Eg veit at eg veldig fort fell for freistinga å syte og klage litt, men kanskje eg kan ha som mål å oftare sjå det i sammenheng med alt det som er så fantastisk bra - på sikt kan det kanskje gjere noko med haldninga mi...?

Ha ei strålande helg alle saman!

Back to normal

2009-02-18T18:26:00.003+01:00

Så var det tilbake til det "gode" gamle vèret her i Bergensområdet. No er det slaps og blaut snø, som me alle har lært oss, om ikkje å bli glad i, så i alle fall å kjenne. Grus og asfalt byrjar så smått å komme til syne i bilspora opp gjennom byggefeltet hos oss, og det er ikkje lenger like spanande å sjå om bilen klarer å kravle seg heile vegen opp til huset. Eg har vore ute og måka snø, mest for at det skal sjå litt finare ut, og no ventar eg på "straffa". Bekkenløsning går ikkje så godt i hop med slikt arbeid, men av og til må eg berre ta meg litt ut.

Eg har kanskje ikkje skrive det, men alle gode forsett om å halde litt tilbake på utstyrsfronten når det gjeld scrapping, rauk til i helga. Då bestilte eg nemleg ei digital kuttemaskin. Ein koblar den til pc, og så kuttar den ulike mønster og alle fontane ein har f.eks. Trur på sikt ein faktisk kan spare litt på det sidan ein slepp å kjøpe så mykje alfabet og andre chipboard-pynt. I dag var hentelappen komen i posten, så i morgon skal eg kjøpe litt Bazzill-kartong og hente vidunderet. Gledar meg!!

Krampetrekningar

2009-02-15T13:56:00.003+01:00

Me vakna til masse snø i dag, men såg òg at dette ikkje vil vare så lenge. Med 3-5 varmegrader og regn ute, som er tilstanden no, vil nok snøen snart vere historie for denne gang. Men ingen kan seie me ikkje har fått maks glede av den! Ser at det har tar litt lengre tid før ungane er kommet ut for å ake no denne helga, lurer meg på om dei kanskje byrjar bli metta? : )
Me har vore ein liten tur ute i dag for å måke litt snø, lette tunge greiner for den tunge snøen og trille litt snøball (liknar meir på ein snø-puff enn noko anna..).

...Og så har me endeleg kunna lage snølykt! Snøen har til no vore for tørr, men i dag var ikkje det noko problem. No vil imidlertid spørsmålet vere om lykta står lenge nok i regnet : (

Ei litt sløv helg har det vore, vetla er litt sutrete og veit ikkje heilt kva ho vil. Trur ho har godt av å kjede seg litt eigentleg, så eg tar det ikkje så tungt. Det å kunne finne på ting sjølv er ein god eigenskap som me kanskje ikkje har vore så flinke til å hjelpe fram hjå ho.. Etter å ha vimsa mellom å sjå på Shrek, bygge tog, leike med kjøkkentinga sine og bygge lego, har ho no henta legokassen, for så å sette seg å sjå på Shrek. Det skal ikkje vere enkelt! : )

I morgon skal me til København med jobben. Det blir fram og tilbake samme dag, og så 3 timers møte midt på. Litt mykje ståhei for lite, men det er nok og litt for å bli kjent med våre danske kollegaer. Blir nok kjekt!

Ha ein fin søndag vidare! No når snøen reiser er det andre kjekke ting å glede seg over - lysare tider og ein vår som nærmar seg!

Godt samvit!

2009-02-14T16:55:00.003+01:00

Endeleg har eg fullført eit lite prosjekt eg har hatt gåande. Har sett at mange av inneblomstrane kunne ha hatt det betre og romslegare på jordfronten, men det har tatt tid å fått gjort noko med det... Er så mykje anna kjekt å ta seg til om ein har litt fritid : ) MEN; i dag fekk dei tre store, som og var dei tre siste i rekka, ny jord og om ikkje dei er veldig fornøygde med det, så er no eg det i alle fall!

Måtte ta med den her. Kjempeflotte blad på den som er ca 20-25 cm i diameter. Kjøpt på salg hos Plantasjen : ) Veks og trivst, men er avhengig av å ikkje tørke ut, så litt ekstra jord vil nok hjelpe på..

Ellers er det jo alle hjerters dag i dag. Me pleier ikkje lage noko stor ståhei rundt det, men ein god middag skal det no bli - indrefilet av svin med fløtegratinerte poteter, brokkoli og appelsinsaus - nammm!

Ha ein strålande laurdagskveld alle sammen!

For godt til å vere sant..?

2009-02-11T19:04:00.004+01:00

Det er det me tenker om veret for tida. Som nær-bergensarar så er me ikkje vant til at snø ligg lenger enn nokre timar før alt er vått og grått att. Dette er imidlertid andre gangen denne vinteren at snøen kjem... og den blir! Og denne gangen går det over alle støvleskaft! Me er på andre veka med snø og ungar som hoiar i akebakken til langt på kveld. Istappar mot blå himmel er temmaleg eksotisk på desse kantar, det samme er snøtunge tre og busker. På mandag kunne me lese på framsida av ei av bergensavisene: "Ta fri fra jobben og nyt sola". Det var ein god idè! At eg ikkje kom på det sjølv?!? Dei hadde imidlertid sett saka frå fleire sider. I ein liten notis hadde nokre glupe hovud kommet på at; "Ikke alle kan ta fri fra jobben når de vil" (Litt fritt gjengitt, men...). Skal innrømme at me av og til har tenkt tanken at det burde finnast ein "fint ver"-pott med gyldige fraværsdagar i løpet av året. Som eigenmelding ved sjukdom eller sjukt barn liksom - det hadde vore noko!
Inntil da - nyt sola og fineveret som best du kan! Ha ei strålande veke!

Roser og vintervèr

2009-02-08T17:37:00.005+01:00

I dag våkna me til ein nydeleg (men kald; -6-7 grader) dag. Eg og vetla sto opp til varmt og godt hus, og roser på frukostbordet. Desse hadde vissnok overnatta i kald bil, så buketten vart til flytande blomster i stadenfor : )

Litt ut på formiddagen bar det ut på akebrett og ski i strålande sol saman med alle ungane i feltet. På bildet under trur eg kameraet har fått illebefinnande av å fotografere rett på sola, så den vart noko deformert....

Og mens vetla nok ein gang besøkte nabojenta, laga eg nydeleg sjokoladekake, som eg så saboterte med ein eksperimentell glasur. Me rakk heldigvis å ete litt før den kom på : )

Alt i alt ein flott dag har det vore, og no mistenker eg at eg snart får morsdagskort... Ha ein fin søndag vidare alle saman!

Bjørkekransar

2009-02-07T08:51:00.002+01:00

Hadde store ambisjonar før jul om å lage masse kransar, men det vart med dei to over. Ein rund og ein hjarteforma. Knaggane den heng på er utanfor ytterdøra og er skrudd fast på drivved eg fant i sommar. Fekk litt dilla på drivved da, og rydda omtrent stranda til søstra mi rein for alt som kunne brukast : )

Ser ut til å bli enda ein akedag, og det er jo kjekt! Ingenting er som ein trøytt, glad unge med raude kjakar på slutten av dagen! Ha ein strålande laurdag alle sammen!

Snø og plantar

2009-02-06T14:38:00.004+01:00

Då kom det endeleg snø her og - og den har lagt i 2 dagar alt! (Det er bra til å vere her!) Det går rykte om at me kanskje får beholde den i helga, og det er jo stas da. Spesielt for dei små. Heile byggefeltet er ute i vegen og akar og står på ski (planleggingsdag i dag). No er vetla hos naboen over vegen der ho har ei venninne på nesten samme alder. Dei leikar kjempefint i lag, men endar på mystisk vis alltid hos naboen, byrjar å bli litt pinleg... Men eg fekk eit hint om kvifor i dag, dei sprang rett inn og skulle sjå på tv - "ja, det er tv heile dagen på desse kanalane" sa naboen. Ja, ja, får tru dei gjer noko anna og. Me har altså ikkje desse kanalane, men eg tenker det kan vere like greit : )

Dette er ein veldig kjekk blomst, eller plante heller. Den skal eigentleg få raude blomster, men her får den kun blad. Eg er imidlertidg fornøygd med det, skjønne hjerteblad!

Dette er in plante eg fekk som avleggar av systera mi, og eg har ikkje peiling på kva det er. Men no ser det ut til at den får blomster, så det vert spennande å sjå.

Til slutt ein liten Hoya. Den er utruleg skjønn, får bitte små stjerneforma kvite blomster. MEN, no trur eg den må ut. Den får eit eller anna kvitt ved bladrøttene, og dette vert eg ikkje kvitt. Er redd det er noko slags mugg-lignande greier, og det vil eg ikkje ha i hus. Om nokon veit kva det er, er eg takknemleg for ein kommentar!

Fotoorganisering og scrapbooking

2009-02-04T20:07:00.003+01:00

Eg har lenge tenkt å komme igang med å scrappe alle bilda eg har, men har mista litt motet av kor langt etter eg er (med tanke på kronologien...). Så dermed var eg ei lett bytte då eg oppdaga boka under:

Tanken bak er å fri seg litt frå den kronologiske måten å organisere bilder på. Forfattaren har tre "obligatoriske" element ved metoden, og ei rekke valgfrie.

1. Fotoalbum der framkalte bilder vert lagt inn etter sesong og år. Når ein scrappar kan ein enkelt sjå kva som ligg der (lignande bilder kan leggast i samme lomme). Bilder som vert til overs, legg ein i...

2. Kategoriskuffer. Her er er det fire hovedkategoriar: All about us (familien), People we love (utvida familie og vener), Things we do (Kvardagsliv, feiring, høgtid, kjæledyr, sesongar, fargar mv) og til slutt; Places we go (ulike stader, heime, i nærleiken, ferieturar mv). Her samlar ein bilder i same kategori på tvers av tid. For eksempel er alle bilder av barn saman med besteforeldre samla slik at ein kan lage andre koblingar enn ein hadde gjort om ein gjekk etter dato.

3. Album, eit for kvar kategori, og etter kvart eigne album for underkategoriar.

I tillegg foreslår ho "Photos I Love"-album der ein samlar favorittbilda.

Dette var kortversjonen, sjølvsagt, men eg vart fascinert. Og eg har allerede laga fleire LO'ar enn eg samla har gjort på 3 år (om ein ser vekk i frå ein album til besteforeldre forrige jul).

Eg har ein tendens til å la meg rive med, og i scrappe-rus bestilte eg boka Kreativ scrapbooking på mandag. Eg har sett på den tidligare, men så forsvant den fra butikken. Men no er den altså på veg.

Det eg likar best ved metoden over, at kan legge fra seg presset om at alt må gjerast i ein viss rekkefølge - ein scrappar det ein vil når ein vil : )

Vårfornemmelsar i februar

2009-02-03T18:05:00.003+01:00

Me er så heldige å ha nydeleg ver her for tida, og om ettermiddagen når eg hentar vetla er dei som regel ute i ettermiddagssola. Raude i kjakane (og litt snørrete) og med lysande auge - det er ikkje berre me vaksne som vert påvirka av veret trur eg. Eg kjenner i alle fall på at våren nærmar seg, enda me berre er komne til februar. Gledar meg over at det tar stadig lengre tid før mørkret sig på om ettermiddagane, og utnyttar denne vårfølelsen til å opprydning av ulikt slag. I helga tenkte me at me måtte ut og nytte fineveret, og sjølv om vetla hadde vore heime av forkjølelse på fredag, reiste me på laurdag ut for å grille. Veret var fint det, men problemet var den sterke, sure vinden. Me fekk grilla, men det vart ikkje ein langvarig seanse før både vetla og eg hutra og fraus og ville heim. Sambuaren min er av det litt meir varmblodige slaget, men måtte gi etter for forfrosne jenter. Kaffien måtte drikkast opp undervegs... Ja, ja, det vert vel varmare etterkvart, og då er det berre å prøve igjen : )

Opprydningen eg nevnte var på kontoret, og det trengtes verkeleg! Fordelen med å vente så lenge som eg har gjort er jo at før- og etter -effekten vert desto større. Eg etterlot meg to store haugar med papir som kunne kastast, og store tomrom i hyllene. I tillegg rokkerte eg om på ting og fekk systematisert scrapbook-greiene òg. Har tidlegare omorganisert bilda etter nytt system som eg fann i ei bok, men det skal eg skrive litt om ein anna gang. Er heilt omvendt, og om det tillegg fungerar i praksis så vert det jo bra : )

Juletreribbing og kjøkkenmontering

2009-01-26T19:23:00.005+01:00

Ja, eit lite samansurium denne gangen altså. Gårsdagen (søndag) var det strålande ver, og då me omsider fekk lurt med oss vetla ut (ein av dei sjeldne gangane me må ty til luring..), fekk me endeleg kvista juletreet som har lagt utanfor terrassedøra sidan første helga etter nyttår. Litt seint ute fekk nokre utvalde plantar litt varmande granbar (eller furubar...?) på seg, og me vart kvitt julespøkelset.

Og i dag fekk eg avslutta eit påbegynt prosjekt på vetla sitt soverom, og det er jo alltid kjekt. Ho har eit ganske lite rom (drøyt 6 m2), og kjem til å ha det ei stund (fram til me syns ho er gamal nok til å ligge i ein annan etasje enn oss - altså leeenge til : ) Med eit så lite rom seier det seg sjølv at plass vert ein utfordring, og eg er alltid på jakt etter smarte løysningar. Ho hadde tidlegare eit lite kjøkken (av typen plast med vask og mikrobølgeovn mv), men eg syntes det tok alt for stor plass på det vetle rommet. Derfor har eg no laga kjøkken i nederste delen av klesskapet hennar, og det vart veldig greit. Og så kan ein berre late att døra når det ikkje er i bruk. Utanpå dei nederste dørene har eg malt med krittmaling, så der har ho tavle. Slik vart det:

Kanskje må eg lage ein litan vask til venstre på plata, men det vert ikkje med det første : )

Heime med sjukt barn

2009-01-21T10:15:00.002+01:00

I dag er eg og vetla heime fordi ho i natt og dag tidleg hosta stygt og hadde surkling i halsen. No, derimot, virkar ho uforskamma frisk og opplagt og er i full gang med å vaske (!). Ho har vore litt skral ei stund, så eg trur nok likevel det var på sin plass å vere heime i dag. Vil tru ho ikkje akkurat hadde vorte betre av å vere ute i det veret me har i dag. Så da er det husvask på gang. Klarte å støvsuge opp ein matavfallspose, så no er eg spent på seinvirkningane av dette... Men kan ikkje la det stoppe meg!

I underetasjen går det sakte, men sikkert framover. Takplatene er halvvegs på plass, og det samme er platene på veggane. Eg kan jo ikkje male slik eg er no (eller var det kommet maling som ein kunne bruke sjølv om ein er gravid skal tru?), men planlegge kan eg. Når rommet er ferdig plata må me få elektrikar på plass til å koble strømmen på begge romma (eit er me nesten ferdig med), så er det listing og dermed er i alle fall det eine rommet ferdig og kan innredast. Skal bli greit å få skappeleg gjesterom på plass. Og så må me etterkvart flytte ned kontoret, for på det rommet skal jo den i magen ha når den tid kjem. Så me har litt å ta oss til før våren kjem.

Såg forresten på bilda frå hagen 2008, og akkurat no er det veldig vanskeleg å forestille seg at det kan bli slik igjen. Men skal berre sjå at når våren kjem så skjer det igjen! Gler meg allerede!